Mga Talinhaga 12:8 - Marahay na Bareta Biblia

⁸ Inoomaw an sarong tawo huli sa saiyang kadonongan, alagad isinisikwal an tawong may bikong kaisipan.

Mga Talinhaga 12:8 ပူးပေါင်းရင်းမြစ်များ

Genesis 41:39

Kaya sinabihan si Jose kan hade, “Ipinahiling nin Dios an gabos na ini saimo, kaya mayo nin siisay man na makakaarog saimo sa kadonongan asin sa kakayahan.

Salmo 132:18

An mga kaiwal niya gugubingan ko nin kasopogan, alagad sa saiyang payo, an saiyang korona magkikinang.”

Mga Talinhaga 1:26

ngingisihan ko kamo sa saindong kasakitan asin tutuyatuyaon ko kamo kun abotan kamo nin takot—

Mga Talinhaga 12:7

An mga maraot nagagadan asin mayong iwinawalat na kapagarakian, alagad an mga pamilya kan mga matanos magdadanay sagkod lamang.

Mga Talinhaga 12:9

Mas marahay an magin ordinaryong tawo na nagtatrabaho para sa saiyang ikabubuhay ki sa magsagin-sagin na dakulang tawo alagad mayo nin kinakakan.

Mga Talinhaga 29:27

An tampalasan ikinakaongis kan matanos, asin an matanos ikinakaongis kan tampalasan.

Mga Talinhaga 3:35

An madonong magmamana nin kaomawan, alagad kasosopgan an makukua kan mga lolong.

Mga Talinhaga 5:23

Nagagadan siya huli ta mayo siya nin pakapugol sa sadiri. An dakula niyang kalolongan iyo an madara saiya sa sadiri niyang lulubngan.

Parahulit 8:1

An madonong sana an nakakasabot kan tunay na kahulogan kan mga bagay. An kadonongan iyo an nakakapaliwanag kan saiyang lalawogon asin nakakapara kan mga korondot sa saiyang angog.

Isaias 19:14

An Kagurangnan an dahelan kan pagtao ninda nin nakakaribong na mga hatol. Kaya sala gabos an ginigibo kan Egipto asin arog siya sa sarong burat na nadadalinas sa sadiring suka.

Daniel 12:2

Mabubuhay giraray an kadaklan sa mga gadan na; an nagkapira mabubuhay sagkod pa man, mantang an iba magtitios nin daing kataposan na kasosopgan.

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

2 Corinto 10:18

Huli ta an tawong inoomaw nin Dios iyo an inaako niya, bako an nag-oomaw sa sadiri niya.

1 Samuel 13:13

Sinimbag ni Samuel si Saul, “Sala an ginibo mo; dai mo kinuyog an togon na itinao saimo nin Kagurangnan na saimong Dios. Kun nagkuyog ka, kutana tinugotan ka asin an saimong kapagarakian na maghade sa Israel sagkod lamang.

1 Samuel 16:18

Nagsabi an saro kan saiyang mga katabang, “Nahiling kong marahay magtugtog an sarong aking lalaki ni Jesse na taga Betlehem. Saro man siyang maisog asin gwapong lalaki, sarong marahay na soldados, asin marahay magtaram. Yaon saiya an Kagurangnan.”

1 Samuel 18:30

Minaabot an mga hukbo kan mga Filisteo tanganing makilaban; alagad sa lambang gera, orog na mapanggana si David ki sa arin man na opisyal ni Saul. Kaya orog na nagin bantog si David.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.

1 Samuel 25:17

Kaya dapat maisihan mo ini tanganing maaraman mo an tamang gibohon, huli ta maraot an mangyayari sa satong kagurangnan asin sa bilog niyang pamilya. Dai niya dinadangog an siisay man huli kan maraot niyang ugale!”