Mga Talinhaga 12:4 - Marahay na Bareta Biblia

⁴ An marahay na babae orgulyo asin kaogmahan kan saiyang agom, alagad an babaeng minadara nin kasosopgan sa saiyang agom garo helang na kanser sa saiyang mga tolang.

Mga Talinhaga 12:4 ပူးပေါင်းရင်းမြစ်များ

Mga Talinhaga 11:22

An gayon kan babaeng mayo nin marahay na isip nakakaarog sa bulawan na singsing sa dungo kan orig.

Mga Talinhaga 12:5

Marahay an mga kaisipan kan matanos; an mga plano kan maraot pano nin pandadaya.

Mga Talinhaga 14:1

An madonong na babae nagpapatindog kan saiyang harong, alagad nararaot iyan huli sa kalolongan.

Mga Talinhaga 14:30

An isip na matoninong minatao nin marahay na hawak, alagad an pag-imon nakakaagid sa helang na kanser.

Mga Talinhaga 18:22

An pakaagom nin marahay na babae sarong kaogmahan; nagpapahiling iyan na nawiwilihan ka nin Kagurangnan.

Mga Talinhaga 21:19

Mas marahay pang mamuhay sa desyerto ki sa makiiba sa babaeng maribok saka mareneklamo.

Mga Talinhaga 21:9

Mas marahay pang mag-erok sa sarong gilid sa ibabaw kan bubong kan harong ki sa laog kaini na an kaibahan sarong maribok na babae.

Mga Talinhaga 30:23

an makauuyam na babae na naagom, asin an sorogoon na babae na nakasalihid sa saiyang kagurangnan na babae.

Mga Talinhaga 31:29

Minasabi an saiyang agom, “Kadakul na babae an marahay na agom, alagad ika an nangongorog sainda.”

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

1 Corinto 11:11

Maski siring, sa satong pamumuhay sa Kagurangnan, mayo nin babae kun mayo an lalaki; mayo nin lalaki kun mayo an babae.

1 Corinto 11:7

An lalaki dai dapat magsuklob, huli ta siya an ladawan asin kamurawayan nin Dios; alagad an babae iyo an kamurawayan nin lalaki;

Ruth 3:11

Dai ka maghadit, Ruth. Gigibohon ko an gabos mong hinahagad huli ta aram kan gabos kong kahimanwa na marahay kang babae.