Mga Talinhaga 12:24 - Marahay na Bareta Biblia

²⁴ An kahigosan iyo an matao saimo nin kapangyarihan; an pagigin hugakon iyo an madara saimo sa kaoripnan.

Mga Talinhaga 12:24 ပူးပေါင်းရင်းမြစ်များ

Genesis 49:15

Kan mahiling niya na marahay an pahingaloan Asin na nakakawili an daga, Tinios niya an magabat na pasan, Asin nagtrabaho bilang oripon.

1 Mga Hade 11:28

Si Jeroboam sarong lalaki na igwa nin kakayahan, asin kan mahiling ni Solomon an kahigosan ni Jeroboam sa pagtrabaho, ibinugtak niya ini bilang parapamahala kan mga tawong pirit na pinapagtrabaho sa teritoryo kan mga tribu ni Manases asin ni Efraim.

1 Mga Hade 12:20

Kan madangog kan bilog na Israel na nagbalik si Jeroboam hale sa Egipto, ipinaapod ninda siya sa katiriponan kan banwaan, asin ginibo siyang hade nin Israel. An tribu sana ni Juda an nagdanay na maimbod sa kapagarakian ni David.

Mga Talinhaga 10:4

An pagigin hugakon iyo an madara saimo sa kadukhaan, alagad an pagigin mahigos iyo an mapayaman saimo.

Mga Talinhaga 12:27

Kun hugakon ka, dai mo makakamtan an mawot mo, alagad kun mahigos ka, magkakaigwa ka nin mahalagang kayamanan.

Mga Talinhaga 13:4

Maski ano an mawoton kan hugakon, dai niya iyan makakamtan. Nakakamtan kan mahigos an saiyang kamawotan.

Mga Talinhaga 17:2

An tusong sorogoon pwedeng masakop an mayong pakinabang na aki kan saiyang amo asin mahirasan kan pamana bilang saro sa magturugang.

Mga Talinhaga 19:15

An hugakon minapakatorog sa tawo nin haloy, asin an tawong hugakon mayo nin kakakanon.

Mga Talinhaga 22:13

An hugakon habong magluwas sa harong asin an idinadahelan iyo na tibaad gadanon siya sa luwas kan leon.

Mga Talinhaga 22:29

Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Hukom 1:28

Kan dakul nang marahay an mga Israelita, inoripon ninda an mga tawong ini alagad dai man giraray ninda pinahale gabos.