Mga Talinhaga 12:18 - Marahay na Bareta Biblia

¹⁸ An makulog na mga tataramon arog sa espada, nakakalugad nin hararom, alagad an mga tataramon kan madonong nakakabolong.

Mga Talinhaga 12:18 ပူးပေါင်းရင်းမြစ်များ

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Salmo 57:5

O Dios, ipahiling mo sa kalangitan an saimong kadakulaan, asin sa bilog na daga an saimong kamurawayan.

Salmo 59:7

Hilinga kun paano sinda minakurahaw; an saindang dila garo mga espada sa saindang ngoso; naghohona sindang mayo nin nakakadangog.

Salmo 64:3

Tinatais ninda siring sa espada an saindang mga dila; an saindang mga tataramon garong mga bosog na pinapatama.

Mga Talinhaga 12:17

An nagtataram kan katotoohan nagsasaksi sa katanosan, alagad an bakong totoong saksi nagtataram nin kaputikan.

Mga Talinhaga 13:17

An maraot na sugo iyo an nagigin dahelan nin ribok, alagad an masasarigan na sugo minadara nin katoninongan.

Mga Talinhaga 15:4

An marahay na mga tataramon minataong buhay, alagad an matarom na dila nakakakulog nin boot.

Mga Talinhaga 15:7

An pakaaram pinapalakop kan mga tawong madonong, bako kan mga lolong.

Mga Talinhaga 16:24

An marahay na mga tataramon nakakaagid sa dugos—mahamis sa pagnamit asin marahay sa hawak.

Mga Talinhaga 25:18

Garo espada, pamukpok, saka bosog na matarom an tawong nagsasaksi nin kaputikan laban sa saiyang kapwa.

Mga Talinhaga 4:22

Ini an nagtataong buhay asin marahay na hawak sa kiisay man na nakakasabot kaini.

Daniel 11:33

An kadonongan kan mga madonong ihihiras ninda sa mga tawo, alagad sa halipot na panahon an iba sa sainda magagadan sa gera o susuloon, mantang an iba, hahabonan asin mabibilanggo.

Kapahayagan 1:16

May kapot siyang pitong bitoon sa too niyang kamot, dangan sa saiyang ngoso may nagluwas na sarong espadang doble an tarom. An saiyang lalawogon nagkikintab arog kan liwanag nin aldaw kun odto.

Kapahayagan 22:2

sagkod sa tahaw kan tinampo kan syudad. Sa mag-ibong na pangpang kan salog idtoon an kahoy nin buhay, na minabunga doseng beses sa taon, sarong beses lambang bulan. An mga dahon kaiyan ginagamit na pambulong sa mga nasyon.