Mga Talinhaga 12:12 - Marahay na Bareta Biblia

¹² Marurumpag an makosog na tore kan maraot, alagad an matanos dai nanggad matatanyog.

Mga Talinhaga 12:12 ပူးပေါင်းရင်းမြစ်များ

Salmo 1:3

Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

Salmo 10:9

siring sa sarong leon sa saiyang pinagtatagoan. Minahipa siya tanganing madakop an mga dukha; sinisiod niya sinda dangan ginuguyod sa harayo.

Salmo 9:15

An mga pagano nahulog sa kalot na saindang ginibo; an saindang bitis nasiod sa hikot na saindang tinago.

Mga Talinhaga 10:15

An kayamanan iyo an nag-iingat sa mga mayaman; an kadukhaan iyo an minaraot sa dukha.

Mga Talinhaga 11:30

Buhay an itinatao kan katanosan, alagad kagadanan an dara kan kadahasan.

Mga Talinhaga 21:10

Danay na karatan na iniisip kan tampalasan; mayo siya nin pagkaherak sa kiisay man.

Isaias 27:6

Sa mga maabot na aldaw, an banwaan nin Israel, an mga kapagarakian ni Jacob, magkakaigwa nin gamot arog sa sarong kahoy, asin magsusupang dangan mamumurak sinda. Mapapano kan saindang bunga an bilog na kinaban.

Isaias 37:31

An mga magkakatarada sa Juda mag-uuswag siring sa mga tinanom na nakagamot nin hararom sa daga dangan namunga.

Mikas 7:2

Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Juan 15:16

Bako kamo an nagpili sako; ako an nagpili asin nagsugo saindo na maglakaw saka na mamunga kamo, patin magdanay an bunga nindong iyan. Huli kaini, itatao saindo kan Ama an anoman na hagadon nindo saiya sa ngaran ko.

Juan 15:5

“Ako an poon, kamo an mga sanga. An magdanay sako, asin ako saiya, mamumunga nin dakul; huli ta kun suhay kamo sako, mayo kamong magiginibo.

Roma 6:22

Ngunyan na talingkas na kamo sa kasalan asin nagin mga oripon nin Dios, nag-aako na kamo nin kabanalan na an bunga, buhay na mayong kataposan.