Mga Talinhaga 11:24 - Marahay na Bareta Biblia

²⁴ May mga tawo na matinao, alagad orog na nagyayaman. An iba maimot nin marahay, alagad orog na nagigin dukha.

Mga Talinhaga 11:24 ပူးပေါင်းရင်းမြစ်များ

2 Mga Cronica 31:10

asin sinabihan siya ni Azarias, an Halangkaw na Padi, na gikan sa pamilya ni Zadok, “Poon na magdara nin mga dolot sa Templo an mga tawo, nagkakan kami saka nabasog asin dakul pa an natada. Nagkaigwa kami kaini huli ta benendisyonan nin Kagurangnan an saiyang banwaan.”

Salmo 112:9

Maugayon siya sa mga nangangaipo; dai nanggad nasusudya an saiyang pagkamaboot; siya magigin mapangyari asin gagalangan.

Mga Talinhaga 11:18

Mayong marahay na makukua an maraot na tawo, alagad an nagtatanom nin katanosan magkakamit nin marahay na balos.

Mga Talinhaga 11:23

An kamawotan kan matanos minatapos sa karahayan; an paglaom kan maraot minatapos sa kaanggotan.

Mga Talinhaga 11:25

Magmatinao ka, asin mauswag ka. Tabangan mo an iba, asin tatabangan ka man.

Mga Talinhaga 13:7

May tawong nagsasagin-sagin na mayaman, alagad mayo nin anoman; dangan may nagsasagin-sagin na dukha, alagad igwa nin dakulang kayamanan.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 28:27

An nagtatao sa mga dukha dai magkukulang, alagad an nagbibinuta sa saindang kamugtakan mamaldisyonon.

Mga Talinhaga 28:8

Kun magyaman ka huli sa pagpatubo asin pagbentahe sa iba, an saimong kayamanan mapapaduman sa sarong tawo na maheherakon sa dukha.

Parahulit 11:6

Magtanom ka sa aldaw asin man sa banggi, huli ta dai mo nanggad maaaraman kun an gabos na itinanom mo matalubo nin marahay o kun an saro mamumunga nin dakul ki sa saro.

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Malakias 3:8

Hahapoton ko kamo. Tama daw na dayaon nin sarong tawo an Dios? Bako, alagad dinadaya nindo ako. ‘Sa paanong paagi?’ an hapot nindo. Sa paagi kan saindong mga himoloan saka mga dolot.

Lukas 6:38

Magtao kamo asin tatawan man kamo nin Dios; tamang takad, dasok, yinogyog asin nagsusupay an itatao saindo. Kun ano an sukol na ginamit nindo, iyo man an gagamiton saindo nin Dios.”

Deuteronomio 15:10

Magmatinao kamo nin tudok sa puso asin bebendisyonan kamo nin Kagurangnan sa gabos nindong ginigibo.