Mga Talinhaga 11:19 - Marahay na Bareta Biblia

¹⁹ An tawong nagdadanay sa katanosan mabubuhay, alagad an naglalamag sa karatan magagadan.

Mga Talinhaga 11:19 ပူးပေါင်းရင်းမြစ်များ

2 Mga Hade 1:16

asin sinabihan an hade, “Ini an tataramon nin Kagurangnan: ‘Huli ta nagpadara ka nin mga sugo tanganing maghapot ki Baal-zebub, an dios nin Ekron—na garong mayo nin dios sa Israel na pwedeng hapoton—dai ka na mararahay; magagadan ka!’”

2 Mga Hade 1:4

Kaya ngunyan ini an tataramon nin Kagurangnan: ‘Dai ka na mararahay sa saimong helang; magagadan ka!’” Ginibo ni Elias an pagboot nin Kagurangnan.

Mga Talinhaga 10:16

Buhay an premyo sa paggibo nin marahay, alagad an kasalan namumunga nin orog pang kasalan.

Mga Talinhaga 11:4

Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.

Mga Talinhaga 12:28

An katanosan iyo an dalan pasiring sa buhay; an karatan iyo an dalan pasiring sa kagadanan.

Mga Talinhaga 19:23

Matakot ka sa Kagurangnan asin mabubuhay ka sa halawig na panahon, na pano nin kapahingaloan saka ligtas sa kapahamakan.

Mga Talinhaga 21:16

An kagadanan naghahalat sa kiisay man na minaharayo sa dalan nin pakasabot.

Mga Talinhaga 21:21

An namumuhay na matanos saka maboot mahalawig an buhay asin oomawon.

Mga Talinhaga 8:36

An dai nakakakua sako, nagkukulog sa sadiri; an naoongis sako, namomoot sa kagadanan.”

Mga Gibo 10:35

kundi inaako niya an may pagkatakot saiya asin naggigibo nin matanos maski taga saen siyang nasyon.

Roma 6:23

Huli ta an kabayadan nin kasalan iyo an kagadanan; alagad an regalo nin Dios iyo an buhay na mayong kataposan ki Cristo Jesus na satong Kagurangnan.

Deuteronomio 16:20

Magpakamatanos kamo tanganing masadirihan nindo an daga na itinatao saindo nin Kagurangnan na saindong Dios, asin padagos kamong mag-erok duman.

Santiago 1:15

Kun an mga maraot na kamawotan na iyan nakagamot na, iyan magbubunga nin kasalan; kun nagtalubo na an kasalan, iyan magbubunga nin kagadanan.

1 Juan 3:10

Uya an kalaenan kan mga aki nin Dios sa mga aki nin diablo: an dai naggigibo nin tama o dai namomoot sa kapwa niya, bakong aki nin Dios.

1 Juan 3:7

Mga aki ko, dai kamo magpadaya sa kiisay man! An siisay man na naggigibo nin tama, matanos arog ni Cristo.