Mga Talinhaga 11:17 - Marahay na Bareta Biblia

¹⁷ An tawong maboot napapakarahay, alagad an makuri nagraraot kan sadiri niyang buhay.

Mga Talinhaga 11:17 ပူးပေါင်းရင်းမြစ်များ

An Libro ni Job 20:16

An hinahalon kan maraot garo man sana hudong; ginagadan siya kaiyan siring sa makamandag na halas.

Mga Talinhaga 15:27

An tawong gutom sa kwarta nagdadara nin problema sa saiyang pamilya, alagad an naoongis sa suhol mabubuhay sa halawig na panahon.

Mga Talinhaga 22:9

Magin matinao ka asin hirasan mo an dukha kan saimong kakanon. Huli kaiyan bebendisyonan ka.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Isaias 57:1

Nagagadan an mga matanos na tawo, asin mayong nakakasabot o nagmamakulog. Alagad pagkagadan ninda mayo na nin kasakitan na makakadotdot sainda.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Mateo 5:7

“Paladan an mga maheherakon, huli ta sinda maheherakan!

Lukas 6:38

Magtao kamo asin tatawan man kamo nin Dios; tamang takad, dasok, yinogyog asin nagsusupay an itatao saindo. Kun ano an sukol na ginamit nindo, iyo man an gagamiton saindo nin Dios.”

Filipos 4:17

Bako ta boot kong pagregalohan, kundi boot kong mahiling na nagdudugang an bunga kan saindong mga gibo.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.