Mga Talinhaga 11:13 - Marahay na Bareta Biblia

¹³ Mayo nin sekreto na dai ibinubuyagyag kan matabil, alagad maski an sadit na bagay itinatago kan mapapaniwalaan.

Mga Talinhaga 11:13 ပူးပေါင်းရင်းမြစ်များ

Mga Talinhaga 10:19

Kun mas dakul an tataramon, dakul man an kasalan; an igwa nin marahay na isip, bakong matinaram.

Mga Talinhaga 11:12

Mayo nin toltol na kaisipan an tawong nagmemenos sa kapwa; alagad an tawong may pakasabot dai naggigirong.

Mga Talinhaga 12:23

Dai ipinaghahambog kan madonong na tawo an saiyang naaaraman, alagad ipinapahayag kan lolong an saiyang kalolongan.

Mga Talinhaga 14:5

An maimbod na saksi dai nagpuputik, alagad nagsasabi nin kaputikan an bakong totoong saksi.

Mga Talinhaga 19:11

An marahay na pag-isip nin tawo iyo an minapugol kan saiyang kaanggotan; kamurawayan niya an magpasensya sa mga karatan na ginibo saiya.

Mga Talinhaga 20:19

An tsismoso dai nakakatago nin sekreto. Maglikay sa tawong matabil.

Mga Talinhaga 25:9

Kun ika asin an saimong kanatad igwa nin dai pagkasinabotan, pag-olayan ngona nindo iyan, saka dai mo ipagluwas an anoman na sekreto.

Jeremias 38:27

Dangan nag-abot an gabos na opisyal saka hinapot ako. Sinabihan ko sinda kan ipinapataram sako kan hade. Mayo sinda nin naginibo, huli ta mayo nin siisay man na nakadangog kan pinag-olayan nyamo.

Levitico 19:16

Dai kamo magpalakop nin kaputikan manongod sa kiisay man, asin kun igwa nin tawong ipinaglalaban an saiyang buhay sa hukoman, kaipuhan na magpahayag kamo kun an sasabihon nindo makakatabang saiya. Ako an Kagurangnan.

1 Timoteo 5:13

Laen pa kaiyan, makakanood pa sindang magsayang kan saindang panahon sa pangharong-harong; bako sana iyan kundi makakanood sindang maglibak saka makiaram sa iba, asin magtaram kan dai ninda dapat sabihon.

Josue 2:14

Nagsabi saiya an mga lalaki, “Gadanon logod kami nin Dios kun dai mi gibohon an samong sinasabi. Kun dai ka mag-osip sa kiisay man kan samong ginigibo, nanunuga kami, na magigin marahay an pagtratar mi saimo kun itao na samo nin Kagurangnan an dagang ini.”

Josue 2:20

Alagad kun iosip mo sa iba ining ginigibo mi, dai kaipuhan na otobon mi an panuga na ipinagibo mo samo.”