Mga Talinhaga 11:10 - Marahay na Bareta Biblia

¹⁰ Nag-oogma an syudad kun an matanos nagkakaigwa nin marahay na palad, asin nagkakaigwa nin maogmang mga kinurahaw kun nagagadan an maraot.

Mga Talinhaga 11:10 ပူးပေါင်းရင်းမြစ်များ

2 Mga Hade 11:20

Nag-ogma an gabos na tawo; nagin matoninong an syudad pakagadan ni Atalia duman sa palasyo.

2 Mga Cronica 23:13

Nahiling niya an bagong hade na nakatindog sa may harigi sa laogan kan Templo, napapalibotan kan mga opisyal kan hukbo saka kan mga paratrompeta. An gabos na tawo maogmang nagkukurahaw asin nagpapatanog kan mga trompeta, mantang an mga paratugtog sa Templo iyo an nangengenot sa selebrasyon. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Cronica 23:21

Nag-ogma an gabos na tawo; nagin matoninong an syudad pakagadan ni Atalia.

An Libro ni Job 27:23

Naghahagubohob sainda an doros mantang sinda nagdadaralagan, tinatakot sinda huli sa nakakagadan na kapangyarihan kaiyan.

Exodo 15:21

Kinantahan sinda ni Miriam: “Mag-awit kamo sa Kagurangnan huli ta saiyang nakamtan mamurawayon na kapangganahan. Mga kabayo asin mga lunad man, itinapok niya sa kadagatan.”

Mga Talinhaga 11:11

Huli sa bendisyon kan matanos magigin dakula an sarong syudad, alagad magagaba iyan huli sa mga tataramon kan maraot.

Mga Talinhaga 28:12

Kun marahay na tawo an nagkakapot nin kapangyarihan, nag-oogma an lambang saro, alagad kun an maraot iyo an namamayo, nagtatago an gabos.

Mga Talinhaga 28:28

Minatago an mga tawo kun an kapangyarihan nasa kamot kan mga maraot, alagad pagbagsak ninda, maghahade giraray an mga matanos na tawo.

Mga Talinhaga 29:2

Kun an matanos iyo an nagkakapot kan kapangyarihan, nag-oogma an banwaan; alagad kun an maraot iyo an namamayo, nag-aagrangay an katawohan.

Jeremias 51:48

Dangan an langit saka an daga, asin an gabos na yaon diyan, mag-aawit sa kaogmahan sa panahon na an Babilonia bumagsak sa kamot kan mga magaba saiya hale sa amihan.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.