Mga Talinhaga 10:7 - Marahay na Bareta Biblia

⁷ An matanos ginigiromdom bilang bendisyon, alagad an maraot malilingawan.

Mga Talinhaga 10:7 ပူးပေါင်းရင်းမြစ်များ

1 Mga Hade 11:36

Alagad an sarong tribu itatao ko sa saiyang aking lalaki, tanganing danay akong igwa nin sarong kapagarakian kan sorogoon kong si David na naghahade sa Jerusalem, an syudad na pinili ko tanganing bugtakan kan sakong ngaran.

2 Mga Hade 19:34

Susurogon ko an syudad na ini asin iingatan, huli sa sadiri kong kaomawan asin huli sa panuga na ginibo ko ki David na sakong sorogoon.’”

2 Mga Cronica 24:16

Ilinubong siya sa Syudad ni David, sa lulubngan kan mga hade, huli ta naggibo siya nin karahayan sa Israel, sa Dios asin sa Templo.

2 Mga Cronica 32:33

Nagadan si Ezekias asin ilinubong sa itaas na kabtang kan mga lulubngan kan mga aking lalaki ni David. Sa saiyang pagkagadan, tinawan siya nin dakulang kaomawan kan mga taga Juda asin kan mga taga Jerusalem. Si Manases na saiyang aking lalaki iyo an nagsalihid saiya bilang hade.

An Libro ni Job 18:17

Napapara sa kinaban an saiyang dangog, an saiyang ngaran dai na magigiromdoman.

An Libro ni Job 24:20

Maski an sadiri niyang ina dai na nakakagiromdom saiya ngunyan; kinakakan siya kan mga ulod asin rinoronot siring sa sarong kahoy na napukan.

An Libro ni Job 27:23

Naghahagubohob sainda an doros mantang sinda nagdadaralagan, tinatakot sinda huli sa nakakagadan na kapangyarihan kaiyan.

Salmo 109:13

Magadan logod an saiyang kapagarakian; sa sunod na henerasyon malingawan logod an saiyang ngaran.

Salmo 109:15

An saindang kasalan danay logod na magiromdoman nin Kagurangnan; alagad malingawan logod sinda sagkod pa man!

Salmo 112:6

An matanos na tawo dai masasala; gigiromdomon siya sagkod pa man.

Salmo 34:16

alagad saiyang kinakalaban an mga naggigibo nin karatan, tanganing kun sinda magadan, dai na magiromdoman.

Salmo 34:17

Kun minaagrangay an mga matanos, dinadangog nin Kagurangnan; iliniligtas niya sinda sa gabos nindang kasakitan.

Salmo 41:5

Maraot an pinagsasabi kan sakong mga kaiwal dapit sako! “Nuarin siya magagadan asin nuarin mapapara an saiyang ngaran?”

Mga Talinhaga 22:1

Mas marahay na pilion an malinig na ngaran ki sa dakul na kayamanan.

Parahulit 8:10

Dangan nahiling ko an ilinubong na mga tampalasan. Laog-luwas sinda kaidto sa banal na lugar, asin inomaw sa mga syudad saen naggibo sinda nin karatan. Ini mayo man nin halaga.

Isaias 14:22

“Sasalakayon ko an Babilon,” an sabi nin Kagurangnan nin mga hukbo, “asin rurumpagon ko iyan. Dai ako matada nin anoman—maski kaakian, mayo nanggad nin matatada. Ako, an Kagurangnan, an nagtaram.

Jeremias 17:13

Kagurangnan, ika an paglaom nin Israel; mapapasopog an gabos na nagbaya saimo. Mapapara sinda arog sa ngaran na isinurat sa alpog, huli ta binayaan ka ninda, Kagurangnan, an burabod nin buhay na tubig.

Markos 14:9

Sa katotoohan sinasabihan ko kamo, saen man ipaghulit an marahay na baretang ini sa bilog na kinaban, an ginibo niyang ini ipapamareta sa pagromdom saiya.”

Lukas 1:48

huli ta hiniling niya an kapakumbabaan nin saiyang oripon! Poon ngunyan aapodon akong paladan kan gabos na kapagarakian,