Mga Talinhaga 10:4 - Marahay na Bareta Biblia

⁴ An pagigin hugakon iyo an madara saimo sa kadukhaan, alagad an pagigin mahigos iyo an mapayaman saimo.

Mga Talinhaga 10:4 ပူးပေါင်းရင်းမြစ်များ

Genesis 26:32

Kan aldaw na iyan, nag-abot an mga sorogoon ni Isaac asin nag-osip saiya manongod kan bubon na kinalot ninda. Olay ninda, “Nakakua kami nin tubig.”

Mga Talinhaga 10:5

An tawong nagtitipon kun tig-init igwa nin marahay na kaisipan, alagad an pagkatorog sa panahon nin tig-anihan, sarong kasosopgan.

Mga Talinhaga 11:24

May mga tawo na matinao, alagad orog na nagyayaman. An iba maimot nin marahay, alagad orog na nagigin dukha.

Mga Talinhaga 12:24

An kahigosan iyo an matao saimo nin kapangyarihan; an pagigin hugakon iyo an madara saimo sa kaoripnan.

Mga Talinhaga 12:27

Kun hugakon ka, dai mo makakamtan an mawot mo, alagad kun mahigos ka, magkakaigwa ka nin mahalagang kayamanan.

Mga Talinhaga 13:4

Maski ano an mawoton kan hugakon, dai niya iyan makakamtan. Nakakamtan kan mahigos an saiyang kamawotan.

Mga Talinhaga 18:9

An tawong hugakon tugang kan tawong pararaot.

Mga Talinhaga 19:15

An hugakon minapakatorog sa tawo nin haloy, asin an tawong hugakon mayo nin kakakanon.

Mga Talinhaga 19:24

Mapagal para sa sarong hugakon maski an paghungit kan saiyang kakanon.

Mga Talinhaga 20:13

Kun uboson mo an saimong panahon sa pagkatorog, magigin dukha ka. Alagad magmahigos ka asin magkakaigwa ka nin dakul na kakanon.

Mga Talinhaga 20:4

An sarong paraoma na habong mag-arado sa tamang panahon mayo nin aanihon.

Mga Talinhaga 21:5

An mga plano kan mahigos nagbubunga sa kaginhawahan, alagad an naghihidali matatapos sa kadukhaan.

Parahulit 10:18

Kun an tawo hugakon na maghirahay kan saiyang atop, matagdo iyan dangan magagaba an harong.

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.