Mga Talinhaga 10:30 - Marahay na Bareta Biblia

³⁰ Danay na magkakaigwa nin katiwasayan an matanos, alagad dai magdadanay sa daga an maraot.

Mga Talinhaga 10:30 ပူးပေါင်းရင်းမြစ်များ

An Libro ni Job 17:9

An mga nagsasabing sinda iginagalang, orog na minatubod na sinda matanos.

Salmo 112:6

An matanos na tawo dai masasala; gigiromdomon siya sagkod pa man.

Salmo 125:1

An mga nananarig sa Kagurangnan nakakabaing sa Bukid nin Sion, na dai nanggad matatanyog, kundi magdadanay sagkod lamang.

Salmo 15:5

Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Salmo 16:8

An Kagurangnan namamatean kong danay na harani sako; harani siya, asin mayo nin makakatanyog sako.

Salmo 37:22

An mga benendisyonan nin Kagurangnan an makakasadiri kan daga, alagad an saiyang mga minaldisyon magkakagaradan.

Salmo 52:5

Alagad tutunawon ka nin Dios sagkod pa man; kukuahon ka niya asin hahaleon sa saimong erokan; gagaboton ka niya sa daga nin mga nabubuhay.

Mga Talinhaga 10:25

Minaabot an bagyo asin ipinapalid an maraot, alagad an matanos danay na ligtas.

Mateo 21:41

Nagsimbag sinda, “Gagadanon niya idtong mga maraot na tumatawo. Pakatapos, an ubasan ipapaataman niya sa iba na magtatao saiya kan kahirasan niya sa oras nin tiggunoan.”