Mga Talinhaga 10:3 - Marahay na Bareta Biblia

³ Dai pinapabayaan nin Kagurangnan na magutom an mga matanos, alagad an kamawotan kan mga tawong maraot dai niya itinutugot na mangyari.

Mga Talinhaga 10:3 ပူးပေါင်းရင်းမြစ်များ

An Libro ni Job 15:23

asin an mga bwitre naghahalat tanganing kakanon an saiyang bangkay. Aram niyang madiklom an maabot niyang mga aldaw;

An Libro ni Job 20:28

Mawawara an gabos niyang pagsadiri, na kukuahon saiya sa aldaw kan kaanggotan nin Dios.

An Libro ni Job 5:20

pagdatong nin gutom, ika saiyang bubuhayon, asin sa gera iingatan ka niya sa kagadanan.

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Salmo 112:10

Nahihiling ini kan mga maraot asin naaanggot; minaparagot kan saindang mga ngipon dangan minahale; an saindang mga paglaom nawawara sagkod pa man.

Salmo 33:19

Iliniligtas niya sinda sa kagadanan; sa panahon nin gutom sinda saiyang binubuhay.

Salmo 37:19

Dai sinda magtitios sa panahon nin kasakitan; sa panahon nin gutom igwa sinda nin pagkakan.

Salmo 37:25

Aki pa ako kaidto, asin ngunyan gurang na; alagad dai ko pa nahiling na pinabayaan nin Kagurangnan an matanos na tawo o na an saiyang mga aki nakilimos nin tinapay.

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Mga Talinhaga 13:25

An matanos dai nahahalean nin pagkakan, alagad danay na gutom an tampalasan.

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Mga Talinhaga 28:25

An paslo iyo an nagigin dahelan nin iriwal, alagad an nananarig sa Kagurangnan magigin mauswag an buhay.

Mga Talinhaga 28:9

Makauuyam maski an pamibi kan tawong habong maghinanyog sa katogonan.

Isaias 33:16

Dangan magigin ligtas kamo; magigin ligtas kamo na garo nasa laog nin sarong makosog na bantayan. Magkakaigwa kamo nin tinapay na kakakanon asin tubig na iinomon.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Lukas 12:31

Alagad hanapa nindo an saiyang Kahadean asin mapapasaindo man an mga bagay na iyan.