Mga Talinhaga 10:29 - Marahay na Bareta Biblia

²⁹ Iniingatan nin Kagurangnan an mga matanos, alagad ginagadan niya an mga naggigibo nin karatan.

Mga Talinhaga 10:29 ပူးပေါင်းရင်းမြစ်များ

An Libro ni Job 31:3

Bakong minaabot an kapahamakan sa mga bakong matanos, asin an kasakitan sa mga paragibo nin karatan?

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Salmo 36:12

Hilinga an kamugtakan kan mga tampalasan; nagkapurukan sinda, dai nakakabangon man lamang.

Salmo 37:20

Alagad an mga maraot magagadan; mapapara arog sa mga burak sa kaawagan an mga kaiwal nin Kagurangnan; siring sa aso, mawawara sinda.

Salmo 84:7

Mantang naglalakaw, orog na minakosog sinda; mahihiling ninda an Dios nin mga dios sa Sion.

Salmo 92:7

maski magtalubo an mga tampalasan arog sa mga doot, asin mag-uswag an gabos na paragibong maraot; alagad gabos sinda mapupuho sagkod pa man,

Mga Talinhaga 11:7

Kun nagagadan an maraot, an saiyang paglaom nagagadan kaiba niya. An pagsarig sa kayamanan nawawaraan nin halaga.

Mga Talinhaga 13:6

An matanos na tawo iniingatan kan katanosan, alagad an kasalan iyo an minapabagsak kan tampalasan.

Mga Talinhaga 21:15

Kun nangyayari an hustisya, naoogma an matanos, alagad namomondo an mga tawong naggigibo nin maraot.

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Oseas 14:9

An nakasurat digdi masabotan logod kan mga madonong asin itanom logod ninda sa saindang puso. Matanos an mga paagi nin Kagurangnan, asin nabubuhay an mga matanos na tawo huli sa pagsunod kan mga iyan, alagad nasisingkog saka natutumba an mga parakasalang minasuway kaiyan.

Zacarias 10:12

Papakosogon ko an sakong banwaan; sasambahon asin kukuyogon ninda ako.” An Kagurangnan an nagtaram.

Filipos 4:13

An gabos magigibo ko huli ki Cristo na nagpapakosog sako.