Mga Talinhaga 10:28 - Marahay na Bareta Biblia

²⁸ An paglaom kan matanos minatapos sa kaogmahan, alagad an paglaom kan maraot minatapos sa kawaraan.

Mga Talinhaga 10:28 ပူးပေါင်းရင်းမြစ်များ

An Libro ni Job 11:20

Alagad mahaharap an mga mata kan mga maraot; dai ninda makukua na dalan pasiring sa kaligtasan, asin an saindang magigin paglaom iyo an pagdatong kan kagadanan.”

An Libro ni Job 8:13

An mga bakong diosnon nakakaagid sa mga bariw; mayo na sindang paglaom, kan malingawan ninda an Dios.

Salmo 112:10

Nahihiling ini kan mga maraot asin naaanggot; minaparagot kan saindang mga ngipon dangan minahale; an saindang mga paglaom nawawara sagkod pa man.

Salmo 16:9

Kaya nag-oogma an sakong puso asin kalag; nasa katiwasayan man an sakong hawak,

Salmo 68:4

Mag-awit sa Dios, mag-awit nin pag-omaw sa saiyang ngaran. Andamon an dalan para sa naglulunad sa mga panganoron. Kagurangnan an saiyang ngaran, mag-ogma sa saiyang atubang!

Mga Talinhaga 11:23

An kamawotan kan matanos minatapos sa karahayan; an paglaom kan maraot minatapos sa kaanggotan.

Mga Talinhaga 11:7

Kun nagagadan an maraot, an saiyang paglaom nagagadan kaiba niya. An pagsarig sa kayamanan nawawaraan nin halaga.

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Mga Talinhaga 29:6

An maraot nadadakop sa sadiring kasalan, mantang an matanos nag-aawit asin nag-oogma.

Roma 12:12

Mag-ogma kamo sa saindong paglaom; magmatinios kamo sa kasakitan. Danay kamong mamibi.

Roma 15:13

Panoon logod kamo nin kaogmahan saka katoninongan kan Dios nin paglaom, sa saindong pagtubod saiya, tanganing mag-orog an saindong paglaom huli sa kapangyarihan kan Espiritu Santo.

Roma 5:2

Huli saiya, nakamtan ta an biyaya nin Dios na satong namamatean ngunyan. Kaya nag-oogma kita sa paglaom na magkakaigwa kita nin kahirasan sa kamurawayan nin Dios.

2 Tesalonica 2:16

Rangahon man logod kamo saka pakosogon an boot nindo ni Jesu-Cristo na satong Kagurangnan asin nin Dios na satong Ama, na namoot sato, na sa saiyang biyaya nagtao sato nin daing kataposan na kosog nin boot asin pusog na paglaom, tanganing danay kamong makagibo asin makasabi kan gabos na marahay.