Mga Talinhaga 10:22 - Marahay na Bareta Biblia

²² An bendisyon nin Kagurangnan nakakapayaman, asin dai niya iyan dinadagdagan nin kamondoan.

Mga Talinhaga 10:22 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 13:2

Mayaman nang marahay si Abram huli ta kadakul na kan saiyang mga hayop, plata asin bulawan.

Genesis 14:23

na dai ako makua nin ano man na sadiri mo, minsan torsido o sintas kan sandalyas, tanganing dai mo masabing, ‘Ako an nagpayaman ki Abram!’

Genesis 24:35

“Benendisyonan nin marahay nin Kagurangnan an sakong kagurangnan kaya siya nagyaman. Tinawan siya nin dakul na karnero, kanding asin baka, plata asin bulawan, mga oripon na babae asin lalaki, mga kamelyo asin asno.

Genesis 26:12

Nag-oma duman si Isaac, asin sa taon na idto, nag-ani siya nin sanggatos na beses kan itinanom niya, huli ta benendisyonan siya nin Kagurangnan.

Genesis 26:13

Padagos siyang nag-uswag asin nagyaman nin marahay.

1 Mga Hade 21:19

Sabihan mo siya na ako, an Kagurangnan, nagtataram saiya, ‘Pakatapos mong gadanon an tawo, sasadirihon mo pa an saiyang rogaring?’ Dangan sabihan mo siya na ini an sakong itinataram: ‘Sa lugar saen dinila kan mga ayam an dugo ni Nabot, duman man didilaon kan mga ayam an saimong dugo!’”

1 Mga Cronica 4:10

Namibi si Jabez sa Dios nin Israel, “Bendisyonan mo man logod ako, O Dios, asin tawan mo ako nin dakul na daga. Ibahan mo man logod ako asin ilikay sa anoman na maraot na makakakulog sako.” Itinao nin Dios ki Jabez an saiyang hinagad.

2 Mga Cronica 25:9

Hinapot ni Amazias an propeta, “Alagad ano an gigibohon nyamo sa mga plata na itinandan mi sa hukbo nin Israel? Nagsimbag an propeta, “Mas dakul pa kaiyan an itatao saimo nin Kagurangnan.”

2 Mga Cronica 32:27

Nagyaman nin marahay si Hadeng Ezekias asin inomaw kan gabos. Nagpagibo siya nin mga kwartong sarayan nin bulawan, plata, mga mahalagang bato, mga pahamot, mga kalasag, asin iba pang mahalagang mga kagamitan.

2 Mga Cronica 32:29

Tinawan siya nin Kagurangnan nin dakul na pagsadiri, mga karnero asin mga baka, kaya nagpatugdok siya nin dakul na syudad.

Salmo 107:38

Benendisyonan niya an saiyang banwaan, asin nagdakul sinda; dai niya itinugot na magdiit an saindang mga hayop.

Salmo 127:2

Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Salmo 37:22

An mga benendisyonan nin Kagurangnan an makakasadiri kan daga, alagad an saiyang mga minaldisyon magkakagaradan.

Mga Talinhaga 14:24

An korona kan madonong iyo an saindang kadonongan, alagad an kulintas kan lolong iyo an saindang kalolongan.

Mga Talinhaga 20:21

An kayamanan na dai pinagpagalan, kadikit an itataong karahayan.

Mga Talinhaga 28:22

Sa paghihidali kan kuripot na siya yumaman, dai niya naaaraman na maabot saiya an kadukhaan.

Mga Talinhaga 8:21

Tinatawan ko nin kayamanan an mga namomoot sako; pinapano ko nin kayamanan an saindang harong.

Daniel 1:15

Pakalihis kaini, nahiling sindang orog na marahay an hawak saka makosog ki sa mga nagkakan kan hale sa palasyo.

Zacarias 5:4

Nagtataram an Kagurangnan nin mga hukbo na papaluwason niya an maldisyon na ini, asin malaog iyan sa harong kan lambang mahabon asin lambang parasaksi nin putik; maontok iyan sa saindang mga harong dangan mahale kun gaba na an mga harong.”

Deuteronomio 26:10

Kaya ngunyan, dinadara ko sa Kagurangnan an mga enot na bunga kan mga tinanom sa daga na itinao niya sako.’ “Pakasabi kaiyan, ibugtak nindo an basket sa atubang kan altar, dangan magsamba kamo sa Kagurangnan.

Deuteronomio 28:11

Papauswagon niya kamo sa daga na ipinanuga niya sa saindong mga ginikanan na itatao saindo. Papadakulon niya an saindong mga aki, mga hayop asin an mga bunga kan daga.

Josue 6:18

Alagad dai kamo magkua kan mga bagay na susuloon. Kun magkua kamo nin ano man, magdadara kamo nin kadimalasan asin kadaogan sa bilog na kampo nin Israel.