Mga Talinhaga 10:20 - Marahay na Bareta Biblia

²⁰ An mga tataramon kan matanos nakakaarog sa purong plata: an kaisipan kan maraot mayo nin halaga.

Mga Talinhaga 10:20 ပူးပေါင်းရင်းမြစ်များ

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

Salmo 37:30

An ngoso nin matanos nagtataram nin kadonongan, asin an saiyang dila nagsasabi nin katanosan.

Mga Talinhaga 12:18

An makulog na mga tataramon arog sa espada, nakakalugad nin hararom, alagad an mga tataramon kan madonong nakakabolong.

Mga Talinhaga 15:4

An marahay na mga tataramon minataong buhay, alagad an matarom na dila nakakakulog nin boot.

Mga Talinhaga 16:13

Boot kan hade na madangog an katotoohan, asin an nagtataram kaiyan saiyang nawiwilihan.

Mga Talinhaga 20:15

Kadakul kan bulawan asin kan mamahalon na mga bato, alagad an tataramon na may kadonongan sarong pambihirang kayamanan.

Mga Talinhaga 23:7

Aalokon ka niyang magkakan, alagad bako iyan tudok sa boot niya. Kun ano siya iyo man an nasa saiyang isip.

Mga Talinhaga 8:19

An bunga ko mas marahay ki sa bulawan, mas marahay ki sa pinong bulawan, mas marahay ki sa pinakapiling plata.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.