Mga Talinhaga 10:13 - Marahay na Bareta Biblia

¹³ Sa mga ngabil kan may pakasabot manunumpongan an kadonongan, alagad pamakol an dapat sa likod kan tawong mayo nin toltol na kaisipan.

Mga Talinhaga 10:13 ပူးပေါင်းရင်းမြစ်များ

Salmo 32:9

Dai mo pag-arogon an sarong kabayo o sarong mula, na mayo nin pakasabot, na kaipuhan bugtakan nin busal saka renda tanganing magsunod.”

Salmo 37:30

An ngoso nin matanos nagtataram nin kadonongan, asin an saiyang dila nagsasabi nin katanosan.

Exodo 10:12

Dangan nagtaram an Kagurangnan ki Moises, “Unata paitaas an saimong kamot tanganing dumagsa an mga doron sa daga nin Egipto, asin uboson an gabos na tinanom na natada kan uran nin yelo.

Mga Talinhaga 10:21

An mga tataramon kan matanos papakinabangan nin dakul na tawo, alagad pwedeng magadan an lolong huli kan saiyang kapatalan.

Mga Talinhaga 10:31

Kadonongan an minaluwas sa ngoso kan matanos, alagad an dila na nagtataram nin karatan puputolon.

Mga Talinhaga 15:23

Nakakaogma an pakakua kan tamang tataramon para sa tamang okasyon!

Mga Talinhaga 15:7

An pakaaram pinapalakop kan mga tawong madonong, bako kan mga lolong.

Mga Talinhaga 16:21

An madonong namimidbid huli kan saiyang pakasabot. An mahamis niyang tataramon orog na nakakadagka.

Mga Talinhaga 17:10

An sarong pagsagwe orog na minatadom sa sarong madonong ki sa sanggatos na hampak sa sarong lolong.

Mga Talinhaga 19:29

Inandam na an padusa para sa mga paraolog-olog, asin an pamakol para sa mga lolong.

Mga Talinhaga 20:15

Kadakul kan bulawan asin kan mamahalon na mga bato, alagad an tataramon na may kadonongan sarong pambihirang kayamanan.

Mga Talinhaga 26:3

An latigo para sa kabayo, an busal para sa asno, asin an pamakol para sa lolong na tawo.

Mga Talinhaga 27:22

Maski pa bayohon sa lubang an lolong na garo trigo, dai nanggad mahahale an saiyang kalolongan.

Mga Talinhaga 6:32

An nakikidorog sa bakong agom mayo nin marahay na kaisipan; rinaraot man sana niya an saiyang sadiri.

Mga Talinhaga 7:22

Nagsunod tolos siya sa babae arog sa bakang bubunoon, arog sa usa na naglulukso pasiring sa litag,

Isaias 50:4

Tinukdoan ako nin Kagurangnan Dios kan sakong sasabihon, tanganing mapakosog ko an napapagal. Aga-aga, pinupukaw niya ako tanganing magdangog kan itutukdo niya.

Lukas 4:22

Inomaw siya kan gabos; nagngalas sinda kan magayon na mga tataramon na sinabi niya. Olay ninda, “Bakong iyo ini an aki ni Jose?”