Mga Talinhaga 10:10 - Marahay na Bareta Biblia

¹⁰ Nakakaparibok an tawong nagtatago kan katotoohan, alagad an tawong hayag na minasagwe nagtatrabaho para sa katoninongan.

Mga Talinhaga 10:10 ပူးပေါင်းရင်းမြစ်များ

An Libro ni Job 15:12

Tano ta nagpapadara ka sa saimong puso? Tano ta naglalaad an saimong mga mata?

Salmo 35:19

Hare pagtugot na ako pagngisihan kan sakong mga putikon na kaiwal. Hare pagtugot na magkiriyat-kiyatan an mga anggot sako na mayong dahelan.

Mga Talinhaga 10:14

An madonong nagsasaray nin kadonongan, alagad minaharani an kapahamakan kun minataram an lolong.

Mga Talinhaga 10:8

An marahay na hatol inaako kan pusong madonong, alagad mapapahamak an lolong na matinaram.

Mga Talinhaga 16:30

Mag-ingat sa tawong pangisingisi saka pakorokimlat saimo; igwa siyang iniisip na maraot.

Mga Talinhaga 18:21

An itinaram mo pwedeng magligtas o magraot nin buhay; kaya dapat mong kakanon an mga bunga kan saimong mga tataramon.

Mga Talinhaga 6:13

Minakimlat siya kan mata saka minapasabot sa paagi kan mga bitis saka mga muro niya tanganing madaya ka.

3 Juan 1:10

Kaya pagdiyan ko, ihahayag ko an gabos na ginigibo niya, an mga pagpakaraot niya sakuya. Bako sana iyan; dai pa niya inaako an mga tugang na minadiyan, asin inoolang pa niya an mga boot mag-ako sainda dangan isinisikwal sinda sa simbahan.