Mga Talinhaga 1:7 - Marahay na Bareta Biblia

⁷ An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 1:7 ပူးပေါင်းရင်းမြစ်များ

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Mga Talinhaga 15:32

An tawong minasikwal nin katukdoan naoongis sa sadiri man sana niya, alagad an naghihinanyog sa hatol magigin madonong.

Mga Talinhaga 15:33

An pagkatakot sa Kagurangnan nagtutukdo nin kadonongan, asin an kapakumbabaan nagbubunga nin kaomawan.

Mga Talinhaga 15:5

An tawong minasikwal kan katukdoan kan saiyang ama sarong lolong, alagad an minaako nin pagsagwe sarong madonong.

Mga Talinhaga 18:2

Dai nawiwili an lolong sa paghanap nin pakasabot; mas boot niyang mahiling kan ibang tawo na dakul an saiyang naaaraman.

Mga Talinhaga 2:5

dangan masasabotan mo kun ano an pagkatakot sa Kagurangnan, asin maaaraman mo an kahulogan kan pakamidbid sa Dios.

Mga Talinhaga 23:9

Dai ka makipag-olay sa lolong manongod sa kadonongan; dai niya iyan masasabotan.

Mga Talinhaga 9:10

An pagkatakot sa Kagurangnan iyo an kapinonan nin kadonongan; an pagmidbid sa an Banal minatao nin pakasabot.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

Deuteronomio 4:6

Maimbod na otobon nindo iyan, asin iyan an magpapahiling sa ibang nasyon kan saindong kadonongan. Kun madangog ninda an mga togon na ini, masabi sinda, ‘Totoong madonong asin may pakasabot an banwaan na ini!’