Mga Talinhaga 1:6 - Marahay na Bareta Biblia

⁶ tanganing masabotan ninda an mga natatagong kahulogan kan mga talinhaga asin mga problemang ipinapahayag kan madodonong.

Mga Talinhaga 1:6 ပူးပေါင်းရင်းမြစ်များ

Salmo 49:4

Dadangogon ko an mga talinhaga asin ipapahayag an saindang kahulogan mantang nagtutugtog ako sa lira.

Salmo 78:2

Bubuksan ko an sakong ngoso sa parabola, asin ipapahayag ko an mga kasuanoy na kasabihan,

Mga Talinhaga 24:23

An mga madonong nagtaram man kan mga bagay na ini: Bakong marahay para sa sarong hukom may pinapalaen.

Parahulit 12:11

An mga kasabihan nin mga madonong kabaing sa mga mapanas na sugkod na ginagamit kan mga pastor sa pag-alaw kan karnero, asin an mga tiniripon na talinhaga magdadanay arog sa mga pako na nakatadom nin marahay. Ini gabos itinao nin Dios, an iyo-iyong Pastor nyato gabos.

Daniel 8:23

“Kun madali na an kataposan kan mga kahadean na idto, asin nagin maraot sinda kaya kaipuhan nang padusahan, magkakaigwa nin sarong hade, na matagas an payo, maraot asin madaya.

Mga Bilang 12:8

Hampangan ko siyang kinakaolay, maliwanag kong itinataram saiya an gabos asin bako sa mga paokod; nahiling niya an sakong porma. Tadaw ta nangahas kamong magtaram laban sa sorogoon kong si Moises?”

Markos 4:11

Sinabihan sinda ni Jesus, “Saindo ipinapasabot an mga hilom kan Kahadean nin Dios, alagad an iba tinutukdoan sa paagi nin mga parabola,

Markos 4:34

Dai siya nagtukdo sainda kun bakong sa paagi nin mga parabola, alagad kun an mga disipulo sana an yaon, ipinaliwanag niya sainda an gabos.

Hebreyo 5:14

An matagas na kakanon para sa mga nasa tama nang edad, na nakanood nang magmidbid kan marahay o maraot.

2 Pedro 3:16

Sa gabos na surat niya saindo dapit sa mga bagay na ini, iyan an danay niyang sinasabi. Igwa nin nagkapirang bagay sa mga surat niya na masakit saboton; ini tinatawan nin salang kahulogan kan mga mangmang saka maluluya. Siring man kaiyan an ginigibo ninda sa ibang kabtang kan mga Kasuratan, kaya sinda mismo an nagdadara nin kapahamakan sa sadiri ninda.