Mga Talinhaga 1:5 - Marahay na Bareta Biblia

⁵ An mga talinhagang ini makakadagdag sa naaaraman kan mga madonong asin makakagiya sa mga tawong may inadalan,

Mga Talinhaga 1:5 ပူးပေါင်းရင်းမြစ်များ

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

An Libro ni Job 34:10

“Kaya dangoga nindo ako, kamong mga lalaking may pakasabot! Magibo daw an Makakamhan na Dios nin karatan?

An Libro ni Job 34:16

“Kun igwa kamo nin pakasabot, dangoga ini; hinanyoga an sakong sasabihon.

An Libro ni Job 34:2

“Mga madodonong na lalaki, dangoga nindo an sakong itataram, asin paghinanyog kamo sako, kamo na nakakaaram;

An Libro ni Job 34:34

“Masabi sako an mga lalaking may pakasabot, asin mataram an madonong na makakadangog sako:

Mga Talinhaga 12:1

An namomoot sa disiplina namomoot sa pakaaram, alagad mangmang an naoongis sa pagsagwe.

Mga Talinhaga 14:6

An mahambog na tawo dai nanggad magigin madonong, alagad an madonong madaling makanood.

Mga Talinhaga 18:15

An tawong madonong danay na nagmamawot asin andam na makanood.

Mga Talinhaga 19:25

Padusahan mo an paraolog-olog asin makakanood maski an mangmang. Sagweon mo an may pakasabot, asin madadagdagan an saiyang naaaraman.

Mga Talinhaga 21:11

Kun pinapadusahan an paraolog-olog, an mangmang nagigin madonong; kun tukdoan mo an madonong, minaorog an saiyang pakaaram.

Mga Talinhaga 8:33

Maghinanyog kamo sa katukdoan, asin magigin madonong kamo; dai nindo pagpabayaan an katukdoan.

Mga Talinhaga 9:8

Dai mo pagsawayon an paratuyatuya huli ta maoongis siya saimo. Sagweon mo an tawong madonong, asin mamomoot siya saimo;

Mga Talinhaga 9:9

tukdoe an tawong matanos, asin madakula an saiyang pakanood.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

1 Corinto 10:15

Nagtataram ako saindo bilang mga tawong may isip; hukoman nindo an mga sinasabi ko.

Deuteronomio 4:6

Maimbod na otobon nindo iyan, asin iyan an magpapahiling sa ibang nasyon kan saindong kadonongan. Kun madangog ninda an mga togon na ini, masabi sinda, ‘Totoong madonong asin may pakasabot an banwaan na ini!’