Mga Talinhaga 1:28 - Marahay na Bareta Biblia

²⁸ Dangan maapod kamo sako, alagad dai ako masimbag; hahanapon nindo ako, alagad dai nindo ako makukua.

Mga Talinhaga 1:28 ပူးပေါင်းရင်းမြစ်များ

Genesis 6:3

Dangan nagtaram an Kagurangnan, “Dai ko tutugotan na mabuhay sagkod lamang an tawo; siya may kagadanan. Poon ngunyan, sagkod sana sa syento beynteng taon an magigin buhay niya.”

An Libro ni Job 27:9

Madadangog daw nin Dios an saindang inagrangay, kun dumatong sainda an kasakitan?

An Libro ni Job 35:12

Minaagrangay sinda, alagad dai siya minasimbag, huli ta mapalangkaw sinda asin maraot na mga tawo.

Salmo 18:41

Sinda nag-agrangay alagad mayong nagligtas; nag-apod sinda sa Kagurangnan, alagad dai niya sinda sinimbag.

Salmo 18:42

Rinonot ko sinda, kaya nagin sindang arog sa alpog na ipinapadpad kan doros; tinimaktimakan ko sinda siring sa laboy sa mga tinampo.

Salmo 66:18

Kun rinimpos ko sana sa puso an sakong mga kasalan, dai kutana ako dinangog nin Kagurangnan.

Mga Talinhaga 15:29

Dinadangog nin Kagurangnan an pamibi kan matanos, alagad dai niya dinadangog an maraot.

Mga Talinhaga 8:17

Namomotan ko an namomoot sako; an naghahanap sako nakakanumpong sako.

Awit nin mga Awit 5:6

Binukasan ko an pintoan para sa sakong namomotan, alagad mayo na siya duman. Mawot ko nanggad na madangog an saiyang tingog! Hinanap ko siya, alagad dai ko nanumpongan; inapod ko siya, alagad mayo akong nadangog na simbag.

Isaias 1:15

Kun iniitaas mo an saimong mga kamot sa pagpamibi, dai taka hihilingon; maski dugangan mo an saimong pamibi, dai taka hihinanyogon; huli ta pano nin dugo an saimong mga kamot.

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Oseas 5:6

Dadarahon ninda an saindang mga karnero saka baka tanganing idolot bilang mga sakripisyo sa Kagurangnan, alagad dai iyan makakatabang sainda. Dai ninda siya makukua, huli ta binayaan na niya sinda.

Amos 8:12

Malakaw an mga tawo magpoon sa may Gadan na Dagat sagkod sa Mediteraneo dangan malibot magpoon sa amihan pasiring sa sirangan. Hahanapon ninda sa gabos na lugar an mensahe nin Kagurangnan, alagad dai ninda iyan makukua.

Mikas 3:4

Madatong an panahon na maagrangay kamo sa Kagurangnan, alagad dai niya kamo sisimbagon. Dai niya dadangogon an saindong mga pamibi, huli ta maraot an saindong mga gibo.

Zacarias 7:13

Huli ta dai sinda nagdangog kan magtaram ako, dai man ako nagsimbag kan mamibi sinda.

Deuteronomio 1:45

Kaya nag-agrangay kamo sa Kagurangnan sa paghagad nin tabang, alagad dai niya kamo dinangog.

Santiago 4:3

Kun minahagad man kamo, dai nindo nakakamtan an saindong hinahagad, huli ta maraot an saindong mga katuyohan; an hinahagad nindo gagamiton para sa mga maraot nindong kamawotan.

1 Samuel 8:18

Pag-abot kan panahon na iyan, maagrangay kamo huli kan saindong hade na pinili nindo para saindo, alagad dai kamo dadangogon nin Kagurangnan.”