Mga Talinhaga 1:22 - Marahay na Bareta Biblia

²² “O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Mga Talinhaga 1:22 ပူးပေါင်းရင်းမြစ်များ

An Libro ni Job 34:7

“Anong klaseng tawo an siring ki Job? Dai nanggad siya minagalang sa Dios.

Salmo 1:1

Paladan an tawo na dai nagsusunod sa hatol nin mga maraot, na dai nagsusunod sa paarog nin mga parakasala o dai nakikisumaro sa mga dai nagpapahalaga sa Dios.

Salmo 94:8

Pakasabota nindo, mga tawong patal! Mga lolong, nuarin nindo masasabotan?

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Exodo 16:28

Kaya tinaraman nin Kagurangnan si Moises, “Sagkod nuarin kamo masuhay sa sakong mga togon saka pagboot?

Mga Talinhaga 1:21

nagkukurahaw siya sa ibabaw kan mga kudal asin nagpapahayag sa trangkahan kan syudad:

Mga Talinhaga 1:29

Huli ta naongis kamo sa pakaaram asin dai nindo pinili an pagkatakot sa Kagurangnan;

Mga Talinhaga 1:32

An pagtalikod sa kadonongan iyo an minagadan sa mayong eksperyensya, asin an dai pakilabot kan mga lolong iyo an minaraot sainda.

Mga Talinhaga 1:4

Ginigibo kaining madonong an mayong eksperyensya asin tinutukdoan kaini an mga hoben kun paano an pagdesisyon nin tama.

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 14:6

An mahambog na tawo dai nanggad magigin madonong, alagad an madonong madaling makanood.

Mga Talinhaga 15:12

An mahambog na tawo habong pagsawayon; dai nanggad siya naghahagad nin hatol sa sarong madonong.

Mga Talinhaga 19:29

Inandam na an padusa para sa mga paraolog-olog, asin an pamakol para sa mga lolong.

Mga Talinhaga 21:11

Kun pinapadusahan an paraolog-olog, an mangmang nagigin madonong; kun tukdoan mo an madonong, minaorog an saiyang pakaaram.

Mga Talinhaga 21:24

Itukdo mo sako an mahambog na tawo asin itutukdo ko man saimo an tawong mapaabaw-abaw, mapalangkaw saka dai nag-iisip kan karahayan nin iba.

Mga Talinhaga 22:3

Nahihiling kan madonong an nagdadangadang na pag-alaman, asin minaingat siya; alagad dai iyan naririparo kan mangmang kaya nahuhulog siya sa kapahamakan.

Mga Talinhaga 3:34

An mga mapaabaw-abaw dai pinapahalagahan nin Kagurangnan, alagad an mga mapakumbaba saiyang naheherakan.

Mga Talinhaga 5:12

Masabi kamo, “Tadaw ta ikinaongis ko an saindang mga hatol? Tadaw ta isinikwal ko an saindang mga pagsagwe?

Mga Talinhaga 6:9

Sagkod nuarin ka maghihigda, o tawong hugakon? Nuarin ka mabangon sa saimong pagkakatorog?

Mga Talinhaga 7:7

asin nahiling ko an dakul na mayong eksperyensyang mga hoben na lalaki, alagad may namasdan akong sarong lolong na hoben.

Mga Talinhaga 8:5

Kamong mga mangmang, saboton nindo an marahay na hatol; kamong mga lolong, adalan nindo an marahay na kaisipan.

Jeremias 13:27

Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Mga Bilang 14:27

“Sagkod nuarin maggugurumod-gumod tumang sako an mga maraot na tawong ini? Nadangog ko an saindang mga reklamo.

Mateo 17:17

Nagsimbag si Jesus, “Mga tawong mayo nin pagtubod asin masombikal! Sagkod nuarin ako kaibaiba nindo? Sagkod nuarin ko kamo pagtitioson? Daraha digdi sako an aki!”

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

Mateo 9:13

Isip-isipa daw nindo kun ano an kahulogan kaini, ‘Pagkaherak an mawot ko, bakong atang.’ Dai ako nagdigdi sa pag-apod kan mga banal kundi kan mga parakasala.”

Lukas 19:42

An sabi niya, “Kun aram mo pa sana sa aldaw na ini an mga kaipuhan para sa katoninongan! Alagad dai mo iyan nahihiling ngunyan!

Juan 3:20

An siisay man na naggigibo nin maraot naoongis sa ilaw. Dai siya minadolok sa liwanag tanganing dai mailawan an mga maraot niyang gibo.

2 Pedro 3:3

Enot sa gabos, dapat nindong masabotan na sa mga huring aldaw, may mga paraolog-olog na madatong, mga tawo na nabubuhay sosog sa mga kamawotan kan saindang laman.

Kapahayagan 22:17

“Madya!” an sabi kan Espiritu asin kan Nobya. An makadangog kaini dapat man magsabi, “Madya!” Magdolok an siisay man na napapaha; an nagmamawot, mayong bayad na makakakua kan tubig nin buhay.