Mga Talinhaga 1:1 - Marahay na Bareta Biblia

¹ An mga talinhaga ni Solomon, na aking lalaki ni David asin hade nin Israel.

Mga Talinhaga 1:1 ပူးပေါင်းရင်းမြစ်များ

1 Mga Hade 2:12

Kaya nagtukaw si Solomon sa trono kan saiyang ama na si David; nagin pusog an saiyang kahadean.

1 Mga Hade 5:12

Inotob nin Kagurangnan an saiyang panuga asin tinawan niya nin kadonongan si Solomon. Matoninong an pag-ibahan ni Hiram saka ni Solomon, asin naggibo sindang duwa nin tipan.

1 Mga Cronica 22:9

Alagad nagtaram siya sako, ‘Magkakaigwa ka nin aking lalaki. Maghahade siya sa katoninongan; dai siya pupurisawon asin iiwalon kan saiyang mga kaiwal. Solomon an saiyang magigin ngaran, huli ta sa panahon nin saiyang paghahade, tatawan ko nin katoninongan asin katiwasayan an Israel.

1 Mga Cronica 28:5

Tinawan niya ako nin dakul na aking lalaki, asin sa sainda pinili niya si Solomon na sakong aki na maghade sa Israel, an kahadean nin Kagurangnan.

1 Mga Cronica 29:23

Kaya nagtukaw si Solomon sa trono nin Kagurangnan bilang hade na kasalihid kan saiyang ama. Nagin mauswag siya asin nagkuyog saiya an bilog na Israel.

1 Mga Cronica 29:28

Gurang na siya kan magadan, mayaman saka ginagalangan; asin si Solomon na aki niyang lalaki iyo an nagin kasalihid niya bilang hade.

Mga Talinhaga 10:1

Uya an mga talinhaga ni Solomon: An madonong na aki ikinakaogma nin saiyang ama. Alagad an lolong na aki sarong kamondoan nin saiyang ina.

Mga Talinhaga 22:21

asin magtutukdo saimo kan katotoohan. Dangan kun ika sugoon sa pagsiyasat kan katotoohan, igwa ka nin ikakasimbag sa pagbalik mo.

Mga Talinhaga 25:1

Uya an iba pang mga talinhaga ni Solomon, na kinopya kan mga tawohan ni Ezekias na hade nin Juda.

Parahulit 1:1

Iyo ini an mga tataramon kan Parahulit, na aking lalaki ni David na hade sa Jerusalem.

Parahulit 12:9

Nin huli ta madonong an Parahulit, padagos niyang tinukdoan an mga tawo kan naaaraman niya. Nag-adal siya nin mga talinhaga asin binalo niya nin marahay an katotoohan kan mga iyan.

Juan 16:25

“Sinabi ko saindo an mga bagay na ini sa paagi nin mga parabola. Alagad maabot an panahon na dai na ako magamit nin mga parabola, kundi hayag na mataram ako saindo dapit sa Ama.