Mga Panambitan 5:7 - Marahay na Bareta Biblia

⁷ Nagkasala an samong mga ginikanan, asin mayo na sinda ngunyan, alagad kami an nagtitios para sa saindang mga kasalan.

Mga Panambitan 5:7 ပူးပေါင်းရင်းမြစ်များ

Genesis 42:13

Nagsimbag sinda, “Dose kaming magturugang; mga aki nin saro sanang ama sa daga nin Canaan. Gadan na an saro ming tugang, asin an samong ngohod idtoon ngunyan sa kaibahan kan samong ama.”

Genesis 42:36

Sinabihan sinda ni Jacob, “Gusto nindong mawara an gabos kong aki. Mayo na si Jose; mayo na man si Simeon; asin ngunyan gusto nindong ipag-iba si Benjamin. Ako an nakukulogan!”

An Libro ni Job 7:21

Dai mo na daw ako mapapatawad kan sakong kasalan? Dai mo na daw malilingawan an sala kong ginibo? Huli ta madali na akong magadan; hahanapon mo ako, alagad dai mo ako makukua.”

An Libro ni Job 7:8

Dai mo na nanggad ako mahihiling arog kan pakahiling mo sako ngunyan. Kun hanapon mo ako, dai mo na ako makukua.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Jeremias 14:20

Nagkasala kami saimo, Kagurangnan; ikinukumpisal nyamo an samong mga kasalan asin an mga kasalan kan samong mga ginikanan.

Jeremias 16:11

Dangan taraman mo sinda na an Kagurangnan nagsabi, ‘Nagtalikod sako an saindong mga ginikanan dangan nagsamba sinda saka naglingkod sa mga dios-dios. Binayaan ninda ako saka dai ninda kinuyog an sakong mga katukdoan.

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 31:15

Nagsasabi an Kagurangnan, “Nadangog sa Rama an sarong tingog— an pagtangis asin pag-agrangay na makosog. Tinatangisan ni Rachel an mga aki niya; habo siyang magparanga, huli ta gadan na sinda.

Jeremias 31:29

Pag-abot kan panahon na iyan, dai na masabi an mga tawo, ‘Nagkakan nin maalsom na ubas an mga ama, alagad an mga aki an pinagngilohan.

Ezekiel 16:58

Kaipuhan tioson mo an padusa kan saimong karompotan, kan makauuyam na mga bagay na ginibo mo.” An Kagurangnan an nagtaram.

Ezekiel 18:2

“Ano ining talinhaga na pinag-uulit-ulit kan mga tawo sa daga nin Israel? ‘An mga magurang an nagkakan kan maalsom na ubas, Alagad an mga aki iyo an nangilohan.’

Zacarias 1:5

Gadan na an saindong mga ginikanan saka idtong mga propeta.

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’