Mga Panambitan 5:13 - Marahay na Bareta Biblia

¹³ An mga hoben na lalaki pirit na pinatrabaho sa mga gilingan; mga aki pinanluluya sa gabat kan mga kahoy na saindang pasan.

Mga Panambitan 5:13 ပူးပေါင်းရင်းမြစ်များ

An Libro ni Job 31:10

magluto logod an sakong agom para sa ibang lalaki, asin makidorog logod siya sa iba.

Exodo 1:11

Kaya nagbugtak sinda nin mga makuring parapamahala tanganing pasakitan an mga Israelita sa paagi nin mga magabat na trabaho. Ipinatugdok sa sainda kan hade an Pitom asin Rameses, mga syudad na sarayan kan mga pagkakan asin kagamitan.

Exodo 11:5

asin magagadan an gabos na matuang lalaki sa Egipto, magpoon sa matua kan hade na magmamana kan trono sagkod sa matua kan babaeng oripon na paragiling nin trigo, siring man an gabos na matua kan mga hayop.

Exodo 2:11

Kan soltero na si Moises, dinalaw niya an kapwa niya mga Hebreyo, asin nahiling niyang pinapasakitan sinda sa paagi nin magagabat na trabaho. Nahiling pa niya kan pinapakol nin sarong Egipcio an sarong kapwa niya Hebreyo.

Exodo 23:5

Kun mahiling mong napalugmok an asno kan sarong naanggot saimo huli sa gabat kan karga, tabangan mo siya na mapabuhat giraray iyan; dai mo siya pagpabayaan.

Isaias 47:2

Patalibonga an gilingan! Paggiling nin arina! Halea an saimong belo! Hubaa an magayon mong gubing! Itaasan an gayad kan saimong gubing sa pagbalyo mo nin mga salog.

Isaias 58:6

“An pag-ayuno na boot ko iyo ini: Tangkason nindo an kadena nin pang-aapi asin an sakal nin inhustisya, saka talingkasan nindo an mga naaapi.

Jeremias 7:18

Nagkukua nin igatong an mga aki, nagmamakot nin kalayo an mga kalalakihan asin nagmamasa nin arina an kababaehan tanganing magluto nin mga tinapay para sa diosang inaapod nindang Reyna nin Langit. Inuula man ninda an mga dolot na inomon para sa ibang dios, tanganing kulogan an boot ko.

Mateo 23:4

Minabugkos sinda nin mga magabat na darahon asin ipinapapasan sa iba, alagad maski saro nindang muro habo nindang hiroon sa pagtabang sa pag-alsa kaiyan.

Hukom 16:21

Dinakop siya kan mga Filisteo asin binuta. Dinara siya ninda sa Gaza saen kinadenahan siya nin bronseng kadena dangan pinatrabaho sa gilingan duman sa bilanggoan.