Mga Panambitan 5:1 - Marahay na Bareta Biblia

¹ Giromdoma, Kagurangnan, an nangyari samo; masdan mo kami asin hilinga an samong kasosopgan.

Mga Panambitan 5:1 ပူးပေါင်းရင်းမြစ်များ

Nehemias 1:3

Sinabihan ninda ako, “An mga natada sa probinsya na nakaligtas sa pagtapokan nasa dakulang kasakitan saka kasosopgan; narumpag an mga kudal nin Jerusalem asin an mga trangkahan kaini nasulo.”

Nehemias 1:8

Giromdoma an itinaram mo ki Moises, ‘Kun dai kamo magin maimbod, iwawarak ko kamo sa ibang nasyon.

Nehemias 4:4

Namibi ako, “O Dios, dangoga an pagtuyatuya ninda samo; mahulog logod sa saindang payo an saindang paglibak. Mahabon logod an gabos nindang rogaring saka madara sinda bilang mga bihag sa dayuhan na daga.

An Libro ni Job 10:9

Giromdoma na ginibo mo ako hale sa laboy; boot mong magin kabokabo ako giraray?

An Libro ni Job 7:7

“Giromdoma, O Dios, na saro sanang hinangos an sakong buhay; haloy nang natapos an sakong kaogmahan.

Salmo 119:153

Hilinga an sakong pagtios, asin ligtasan ako, huli ta dai ko nalilingawan an saimong katogonan.

Salmo 74:18

Giromdoma, Kagurangnan, na nginingisihan ka kan mga kaiwal, ikinakaongis ka kan mga tawong masombikal.

Salmo 79:12

An ibang nasyon makapitong beses mong padusahan, huli kan pagtuyatuya ninda saimo, Kagurangnan.

Salmo 79:4

Nagin ngingisihan kami kan samuyang mga kataed; pinag-olog-olog saka pinagtuya-tuya kan mga nasa palibot nyamo.

Isaias 62:6

Sa ibabaw nin saimong mga kudal, O Jerusalem, nagbugtak ako nin mga bantay; kaipuhan na dai nanggad sinda mag-alo banggi man o aldaw. Kaipuhan ipagiromdom ninda sa Kagurangnan an saiyang ginibong mga panuga asin dai sinda magtugot na malingawan niya an mga iyan.

Jeremias 15:15

Dangan nagsabi ako, “Kagurangnan, ika an nakakaaram. Giromdoma ako asin tabangi. Ibalos mo ako sa mga nagpasakit sako. Dai ka magmaboot sainda huli ta tibaad magadan ninda ako. Giromdoma na nagtios ako nin kasosopgan huli saimo.

Jeremias 51:51

Nagsasabi kamo, ‘Napasopog kami huli ta nakadangog kami nin pagtuyatuya; namatean mi an pagkawara kan samong onra huli ta nagdatong an mga dayuhan saka naglaog sinda sa mga banal na lugar sa Templo.

Mga Panambitan 1:11

Nag-aagrangay an saiyang banwaan mantang naghahanap nin pagkakan; an kayamanan ninda iriniribay nin tinapay tanganing padagos sindang mabuhay. “Hilinga ako, Kagurangnan,” an sabi kan syudad; “hilinga ako sa sakong kasakitan!”

Mga Panambitan 1:20

“Hilinga, Kagurangnan, an sakuyang kasakitan; an kalag ko nasa kahorasaan. Ronot na an sakuyang puso huli kan sakong mga kasalan. Igwa nin garadanan sa mga tinampo; minsan sa laog nin harong an kagadanan yaon man.

Mga Panambitan 1:9

An saiyang ati madaling nahiling; alagad dai niya pinahalagahan an saiyang kataposan. Mangirhat an saiyang pagkarumpag; mayo nin pwedeng magranga saiya. Nanggana an saiyang mga kaiwal, asin naghahagad siya nin pagkaherak sa Kagurangnan.

Mga Panambitan 2:15

Pinag-oolog-olog ka kan mga nag-aaragi; pinagtutuyatuya asin pinagngingisihan ninda an rumpag nang Jerusalem: “Iyo ini an magayon na syudad kaidto? Iyo ini an kaogmahan kan kinaban?”

Mga Panambitan 2:20

Hilinga, Kagurangnan! Hilinga kun siisay an saimong pinapadusahan! Dapat daw na kakanon kan mga ina an mga aki na saindang namomotan? Dapat daw na an mga padi saka mga propeta sa Templo mismo gadanon?

Mga Panambitan 3:19

An giromdom kan sakong kulog, sakong paglalagalag, sarong mapait na hudong.

Mga Panambitan 3:50

sagkod na magdungaw an Kagurangnan hale sa langit asin mahiling kita.

Mga Panambitan 3:61

“Nadangog mo sindang iniinsulto ako, Kagurangnan, asin aram mo an mga plano ninda laban sako.

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.

Lukas 23:42

Dangan nagsabi siya, “Jesus, giromdoma man ako pag-abot mo sa saimong Kahadean.”