Mga Panambitan 4:8 - Marahay na Bareta Biblia

⁸ Ngunyan dai namimidbidan na naghihigda sinda sa mga tinampo, an saindang lalawogon maitom siring sa oring; an saindang kublit dukot na sa tolang asin alang na siring sa kahoy.

Mga Panambitan 4:8 ပူးပေါင်းရင်းမြစ်များ

An Libro ni Job 19:20

An sakong mga tolang nagdurukot sa sakong kublit saka laman; asin dikit na sanang dai ko ikinaligtas an sakong buhay.

An Libro ni Job 2:12

Harayo pa sinda, nahiling na ninda si Job, alagad dai ninda namidbidan. Kan mamidbid na ninda siya, naghiribi asin nagharaya sinda. Ginirisi ninda an saindang gubing sa kamondoan dangan nagpatoron nin alpog sa itaas saka sa saindang payo.

An Libro ni Job 30:30

Malalata na an sakong kublit; halangkaw nin marahay an sakong kalentura.

An Libro ni Job 33:21

Minaniwang siya nin marahay, kaya haros nahihiling na an saiyang mga tolang;

Salmo 102:11

An mga aldaw ko arog kan anino sa banggi; siring sa doot naaalang ako.

Salmo 119:83

Nagin arog ako sa itinapok na anit na lalagan nin arak; alagad dai ko nalingawan an saimong mga kabotan.

Salmo 32:4

Aldaw-banggi mo akong pinadusahan, Kagurangnan; an sakong kosog naalang siring sa ambon na pinamara kan init nin aldaw.

Salmo 38:3

An sakong hawak mayo nin karahayan huli kan saimong kaanggotan. Mayo nin karahayan an sakong mga tolang, huli kan sakuyang mga kasalan.

Isaias 52:14

Kadakul na tawo an nabigla kan mahiling siya; garo bako na siyang tawo, huli kan makuring nangyari sa saiyang pigura.

Mga Panambitan 5:10

Gutom an dahelan kan samong kalentura sagkod na an kublit mi magin arog kainit sa horno.

Joel 2:6

Sa atubang ninda, nagkakatarakot an mga tawo; nanlolongsi an lambang saro.

Nahum 2:10

An Nineve raot na, binayaan na nin tawo, asin mamondo! Nanluluya na sa takot an mga puso; nagtatakig an mga tuhod, mayo na an kosog; nanlolongsi an mga lalawogon.

Lukas 10:11

‘Maski an alpog digdi sa saindong banwaan na nakadukot sa samong mga bitis, pinapagpag mi bilang patanid saindo. Alagad saboton nindo ini: harani na an Kahadean nin Dios!’