Mga Panambitan 4:6 - Marahay na Bareta Biblia

⁶ Mas orog an padusa sa sakong banwaan ki sa padusa sa mga taga Sodoma, na bigla sanang buminagsak huli kan kapangyarihan nin Dios.

Mga Panambitan 4:6 ပူးပေါင်းရင်းမြစ်များ

Genesis 19:24

Dangan, an Sodoma asin an Gomorra pinauranan nin Kagurangnan nin nagkakalayong asupre.

Genesis 19:25

Natunaw an duwang syudad asin an bilog na kapantayan, kaiba an gabos na tawo asin an mga tinanom na nabubuhay duman.

Isaias 24:2

Pareho an mangyayari sa gabos—sa mga padi asin sa banwaan, sa mga oripon saka sa mga kagurangnan, sa mga parabakal asin sa mga nagpapabakal, sa mga nagpapasubli saka sa mga parasubli, sa mga mayaman asin sa mga dukha.

Jeremias 20:16

An tawong idto magin arog logod sa mga syudad na mayong herak na rinaot nin Kagurangnan. Mga pagtangis logod an madangog niya sa pagkaaga asin kurahaw nin gera sa pagkaodto,

Jeremias 23:14

Alagad orog pa an karatan na ginigibo kan mga propeta sa Jerusalem: nakikidorog sinda sa bako nindang agom saka nagtataram nin mga kaputikan; tinatabangan ninda an mga tawo sa paggibo nin maraot, kaya mayo nin minaontok sa paggibo nin karatan. Para sako, gabos sinda maraot arog kan mga taga Sodoma saka mga taga Gomorra.

Mga Panambitan 4:9

Mas marahay pa an mga nagadan sa gera ki sa nagadan sa gutom, na luway-luway na nagagadan huli ta mayo sinda nin makakakan.

Daniel 8:25

Huli sa saiyang katusohan, magigibo niya an anoman na pandadaya. Magigin mahambog siya asin dakul an gagadanon niya na mayo nin patanid. Tutumangan niya an Hade nin mga hade, alagad maroronot siya bakong huli sa kapangyarihan nin tawo.

Daniel 9:12

Pinatotoohan mo an sinabi mong gigibohon sa samo asin sa samong mga pamayo. Orog mong pinadusahan an Jerusalem ki sa ibang syudad sa daga.

Mateo 24:21

Huli ta an kasakitan sa panahon na iyan orog pang makatatakot ki sa arin man na nangyari poon sa kapinonan kan kinaban sagkod ngunyan. Mayo nang makakaarog pa kaiyan nuarin pa man.

Lukas 10:12

Sinasabihan ko kamo na sa Aldaw nin Paghukom mas magian an padusang itatao nin Dios sa Sodoma ki sa banwaan na iyan!

Lukas 12:47

“An sorogoon na nakakaaram kan kabotan kan saiyang kagurangnan, alagad dai nag-andam o nagkuyog kaiyan, hahampakon nin makuri.