Mga Panambitan 4:22 - Marahay na Bareta Biblia

²² An Sion nagbayad na kan saiyang kasalan; hahaleon na kami nin Kagurangnan sa pagkatapokan. Alagad, O Edom, papadusahan ka nin Kagurangnan; ihahayag niya an saimong mga kasalan.

Mga Panambitan 4:22 ပူးပေါင်းရင်းမြစ်များ

Salmo 137:7

Giromdoma, Kagurangnan, an ginibo kan mga Edomita kan aldaw na mabihag an Jerusalem, kan sinda magtaram, “Rumpagon, rumpagon, sagkod sa mga pundasyon!”

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 60:18

Dai na nanggad madadangog an kadahasan; an saimong daga dai na nanggad makakanamit nin pagkagaba. Ako an magigin kaligtasan asin depensa mo siring sa sarong kudal; oomawon mo ako huli ta ako an nagligtas saimo.

Jeremias 32:40

Magibo ako sainda nin sarong tipan na mayo nin kataposan. Dai ako maontok sa paggibo nin mga marahay na bagay para sa sainda. Gigibohon ko na matakot sinda sako sa bilog nindang puso tanganing dai na ninda ako pagtalikodan.

Jeremias 33:7

Papauswagon ko an Juda saka an Israel, asin papatindogon ko giraray sinda arog kan dati.

Jeremias 33:8

Lilinigan ko sinda kan mga kasalan na ginibo ninda tumang sako, saka papatawadon ko an saindang mga kasalan asin pagrebelde tumang sako.

Jeremias 49:10

Alagad hinubaan ko an mga kapagarakian ni Esau. Ihinayag ko an saindang mga pinagtatagoan, kaya dai na sinda makakatago maski saen. Ginadan an gabos na taga Edom. Mayo nin natada sainda maski saro.

Jeremias 50:20

Pag-abot kan panahon na iyan mayo na nin kasalan na makukua sa Israel asin mayo na nin katampalasanan sa Juda, huli ta papatawadon ko an mga tawong dai ko itinugot na magadan. Ako, an Kagurangnan, an nagtaram.”

Mga Panambitan 4:21

Mga taga Edom asin Uz, mag-ogma kamo asin maggayagaya; alagad maabot man saindo an kasakitan; huba man kamong magsasayasay sa kasosopgan.

Mga Panambitan 4:6

Mas orog an padusa sa sakong banwaan ki sa padusa sa mga taga Sodoma, na bigla sanang buminagsak huli kan kapangyarihan nin Dios.

Ezekiel 37:28

Kun ibugtak ko na an sakuyang Templo sa tahaw ninda sagkod pa man, dangan maaaraman kan mga nasyon na ako, an Kagurangnan, an nagpili sa Israel na magin sadiri kong banwaan.”

Ezekiel 6:12

An mga nasa harayo maghehelang dangan magagadan; an mga nasa harani magagadan sa gera; an matatada magagadan sa gutom. Mamamatean ninda an gabat kan sakuyang kaanggotan.

Obadias 1:10

“Huli ta hinabonan mo asin ginadan an mga tugang mong lalaki, an mga kapagarakian ni Jacob, gagadanon ka asin sosopogon sagkod lamang.

Malakias 1:3

Ikinaongis ko si Esau saka an saiyang kapagarakian. Rinaot ko an mabulod na daga ni Esau asin pinabayaan ko sa mga lalaw na ayam.”

Malakias 1:4

Kun magsabi an mga Edomita, an kapagarakian ni Esau, “Rinaot an samong mga banwa, alagad papatindogon mi giraray an mga iyan,” masimbag an Kagurangnan, “Pwede nindang patindogon an mga iyan alagad gagarabaon ko giraray iyan sagkod na apodon sinda kan mga tawo nin ‘An maraot na daga’ asin ‘An Nasyon na naanggotan nin Kagurangnan sagkod lamang.’”