Mga Panambitan 4:21 - Marahay na Bareta Biblia

²¹ Mga taga Edom asin Uz, mag-ogma kamo asin maggayagaya; alagad maabot man saindo an kasakitan; huba man kamong magsasayasay sa kasosopgan.

Mga Panambitan 4:21 ပူးပေါင်းရင်းမြစ်များ

Genesis 36:28

An mga aking lalaki ni Disan iyo si Uz saka si Aran.

2 Mga Cronica 28:19

Pinadarahan kan Kagurangnan nin kasakitan an Juda huli ta linapas ni Hadeng Ahaz an mga deretso kan mga tawo asin dai siya nagin maimbod sa Kagurangnan.

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

Salmo 137:7

Giromdoma, Kagurangnan, an ginibo kan mga Edomita kan aldaw na mabihag an Jerusalem, kan sinda magtaram, “Rumpagon, rumpagon, sagkod sa mga pundasyon!”

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Jeremias 49:12

“Kun an mga dai maninigong padusahan pinapainom sa kalis nin padusa, tadaw ta dai kamo dapat na padusahan? Dapat man kamong mag-inom sa kalis nin padusa!

Jeremias 49:7

Iyo ini an itinaram kan Kagurangnan nin mga hukbo manongod sa Edom: “Mayo na daw nin sarong may marahay na kaisipan sa Edom? Dai na daw naghuhulit an mga parahatol duman? Napara na daw an saindang kadonongan?

Ezekiel 25:6

“Ini an itinataram nin Kagurangnan Dios: Nag-oropak kamo asin nagrulukso sa kaogmahan. Ikinaongis nindo an daga nin Israel.

Ezekiel 25:8

Nagtaram an Kagurangnan Dios, “Huli ta nagsabi an Moab na an Juda arog sa ibang mga nasyon,

Ezekiel 26:2

“Aki nin tawo, nagtaram an Tiro manongod sa Jerusalem nin, ‘Rumpag na an Jerusalem! Mayo na an saiyang kosog sa negosyo! Mayo na kitang karibal!’

Amos 1:11

Nagtataram an Kagurangnan, “Paulit-ulit na nagkasala an mga taga Edom, asin huli kaiyan, papadusahan ko sinda. Linamag ninda an saindang mga tugang, an mga Israelita, asin dai ninda naherakan. Daing kasagkoran an saindang kaanggotan, asin pinadanay ninda iyan.

Obadias 1:1

Iyo ini an propesiya ni Obadias—an itinaram nin Kagurangnan Dios manongod sa nasyon nin Edom. Ipinadara nin Kagurangnan an saiyang sugo sa mga nasyon, asin nadangog mi an saiyang mensahe: “Pag-andam! Makigera kita sa Edom!”

Mikas 1:11

Magpadagos kamo sa paglakaw na huba asin nasosopog, mga taga Safir. An mga taga Zaanan takot na magluwas sa saindang syudad. Kun madangog na nindong nagtatangis an mga taga Bet-ezel, maaaraman nindong mayong pailihan duman.

Habakkuk 2:16

Sosopogon man kamo embes na oomawon. Mainom man kamo asin magsasayasay. Papainomon kamo nin Kagurangnan sa sadiri nindong kalis nin padusa, asin magigin kasosopgan an saindong kaomawan.

Kapahayagan 16:15

“Pagdangog kamo! Maabot ako siring sa sarong parahabon! Paladan an nagpupuka saka dai naghuhuba kan saiyang gubing, tanganing dai siya maglakaw na huba asin dai mapasopog sa publiko!”