Mga Panambitan 4:20 - Marahay na Bareta Biblia

²⁰ Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Mga Panambitan 4:20 ပူးပေါင်းရင်းမြစ်များ

Genesis 2:7

Dangan nagkua nin kabokabo hale sa daga an Kagurangnan Dios; pinorma niyang tawo asin hinangosan sa dungo kan hinangos nin buhay asin an tawo nagin sarong buhay na linalang.

Genesis 44:30

“Kaya, kagurangnan,” an padagos ni Juda, “kun ako magpuli sa sakong ama na dai kaiba an aki, sa oras na dai siya mahiling kan sakong ama, magagadan siya. Yaon sa buhay kan aki an buhay kan samong ama, asin huli ta gurang na siyang marahay, an kamondoan na dadarahon mi saiya iyo an magadan saiya.

2 Samuel 1:14

Hinapot siya ni David, “Tano ta dai ka natakot na gumadan kan linahidan nin Kagurangnan?”

2 Samuel 1:21

“Mayo logod nin uran o ambon na maghugpa sa kabubuldan nin Gilboa; danay logod na mayong magtalubo sa saiyang kaomahan! Huli ta nadigtaan duman an kalasag kan maiisog; an kalasag ni Saul dai na nagkikinang sa lana.

2 Samuel 18:3

Nagsimbag sinda, “Dai ka dapat mag-iba samo; huli ta kun magdulag kami, mayo iyan nin kahulogan sa mga kaiwal. Kun magadan an kabanga samo, mayo man giraray iyan nin kahulogan sainda; alagad sampolong ribo an saimong katimbang. Mas marahay na digdi ka sana sa syudad asin padarahan mo kami nin tabang.”

2 Samuel 19:21

Nagsabi si Abisai na aking lalaki ni Zeruias, “Dapat gadanon si Simei huli ta minaldisyon niya an linahidan nin Kagurangnan bilang hade.”

2 Mga Cronica 35:25

Sarong panambitan an ginibo ni Jeremias para ki Josias. Poon kaidto nagin kaugalean na an pag-awit kan panambitan na ini kan parakantang mga lalaki saka mga babae, kun nagmomondo sinda para ki Josias; ginibo ining sarong pagboot sa Israel. An awit na ini makukua sa libro nin mga panambitan.

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Jeremias 39:5

Alagad linamag sinda kan hukbo nin Babilonia asin nadakop si Zedekias sa kapantayan na harani sa Jordan. Dinara ninda siya ki Hadeng Nebukadnezzar, na nasa syudad nin Ribla, sa teritoryo nin Hamat; duman itinao ni Nebukadnezzar an padusa saiya.

Jeremias 52:8

Alagad si Hadeng Zedekias linamag kan hukbo kan Babilonia asin inabotan sa kapatagan nin Jerico. Binayaan si Zedekias kan gabos niyang soldados.

Jeremias 52:9

Binihag ninda si Zedekias dangan dinara ki Hadeng Nebukadnezzar, na yaon kaidto sa Ribla, sa teritoryo nin Hamat, asin duman itinao saiya ni Nebukadnezzar an maninigong padusa.

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Ezekiel 12:13

Alagad bibikladon ko an sakong hikot asin dadakopon ko siya. Dangan dadarahon ko siya sa Babilonia. Magagadan siya duman na dai nahihiling an lugar na idto.

Ezekiel 17:18

Linapas niya an saiyang panuga asin an tipan na ginibo niya. Ginibo niya an mga ini, asin ngunyan dai siya makakadulag.”

Ezekiel 31:17

Sinda gabos maiba saiya pasiring sa kinaban kan mga gadan, tanganing mag-iba sa mga nagkagaradan na. Dangan an gabos na nag-erok sa lindong kan kahoy na iyan mawawarak sa mga nasyon.

Daniel 4:12

Magayon an mga dahon kan kahoy asin dakul nin marahay an bunga—pwedeng pagkakan kan bilog na daga. Nagpahingalo sa limpoy kaiyan an mga lalaw na hayop, naggibo nin mga salagan sa mga sanga kaiyan an mga gamgam, asin nagkakan kan bunga kaiyan an manlaen-laen na linalang.

Oseas 13:10

Naghagad kamo nin hade saka mga lider, alagad paano ninda ikakaligtas an nasyon?

Hukom 9:15

Nagsimbag an binit, ‘Kun talagang boot nindo akong gibohon na saindong hade, madya asin sirong kamo sa sakong limpoy. Kun habo kamo, maluwas sa sakong matonok na mga sanga an kalayo na matutong kan mga sedro nin Lebanon.’

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”

1 Samuel 12:5

Nagsimbag si Samuel, “Saksi an Kagurangnan asin an hadeng pinili niya sa aldaw na ini, na mayo kamong nakuang sala sako.” “Iyo, an Kagurangnan an samong saksi,” an simbag ninda.

1 Samuel 16:6

Pag-abot ninda, nahiling ni Samuel si Eliab na aking lalaki ni Jesse asin nagsaboot siya, “Mayong duda na an lalaking ini na nagtitindog sa atubangan nin Kagurangnan iyo na an saiyang pinili.”

1 Samuel 24:10

Nahiling mo ngunyan na aldaw kun paano ka itinao sako nin Kagurangnan sa laog kan lungib. Sinabihan ako kan nagkapira kong tawohan na gadanon ka, alagad dai taka ginadan, kundi nagsabi akong, ‘Dai ko gagadanon an sakong kagurangnan, huli ta siya an linahidan nin Kagurangnan.’

1 Samuel 24:6

Sinabihan niya an saiyang mga tawohan, “Ilikay logod ako nin Kagurangnan na makaginibo nin ano man na karatan laban sa sakong kagurangnan, an pinili nin Kagurangnan na magin hade! Kaipuhan dai ko siya pag-anohon maski kadikit, huli ta siya an piniling hade kan Kagurangnan!”

1 Samuel 26:16

Nagpabaya ka sa saimong katongdan. Isinusumpa ko sa ngaran nin Kagurangnan, na kamo gabos maninigong gadanon, huli ta dai nindo binantayan an saindong kagurangnan, an linahidan nin Kagurangnan. Hilinga! Haen an garod kan hade? Haen an dulay nin tubig na nasa saiyang pamayohan?”

1 Samuel 26:9

Alagad nagsabi si David, “Dai mo siya paggadanon! Papadusahan nanggad nin Kagurangnan an siisay man na gumadan sa hade na saiyang pinili.