Mga Panambitan 4:2 - Marahay na Bareta Biblia

² Kaidto mahalaga samo siring sa bulawan an mga aking lalaki nin Sion, alagad ngunyan siring na sana sinda sa dalipay na mga koron.

Mga Panambitan 4:2 ပူးပေါင်းရင်းမြစ်များ

Isaias 30:14

Mapapasa kamo arog sa sarong koron saka magkakaroronot, kaya mayo nin makukuang dakulang pedaso na magagamit sa pagkua nin baga, o sa pagsadok nin tubig hale sa tapayan.”

Isaias 51:18

Mayo na nin mangengenot saimo, mayo sa saimong mga namamanwaan na makabit kan saimong kamot.

Jeremias 19:1

Tinaraman ako nin Kagurangnan na magbakal nin sarong tapayan. Sinabihan man niya ako na apodon ko an nagkapira sa kamagurangan kan banwaan asin nagkapira sa gurang nang mga padi,

Jeremias 19:11

asin sabihan sinda na nagtaram an Kagurangnan nin mga hukbo, “Papasaon ko an mga tawo saka an syudad na ini, asin makakaarog sinda sa pasang tapayan na ini na dai na mabibilog giraray. An mga gadan ilulubong maski sa Tofet huli ta mayo na nin ibang lugar na pwedeng paglubongan sinda.

Jeremias 22:28

Nagsabi ako, “Arog daw sa sarong pasang tapayan, na isinikwal, itinapok saka dai nagustohan nin siisay man si Hadeng Jehoiakin? Tadaw ta itinapok siya saka an saiyang mga aki sa sarong daga na dai ninda aram?”

Mga Panambitan 2:21

Nahuhutad sa mga tinampo an bangkay kan mga hoben saka mga gurang; mga hoben na lalaki asin babae nagkagaradan sa espada kan mga kaiwal; mayo nin pagkaherak na ginadan mo sinda sa aldaw nin saimong kaanggotan.

Mga Panambitan 5:12

An samong mga lider binihag dangan binitay; dai ginalangan maski an kamagurangan.

Oseas 8:8

Nakaarog na an Israel sa ibang nasyon asin mayo na siya nin halaga siring sa sarong pasang koron.

Zacarias 9:13

An Juda gagamiton ko siring sa pana nin sarong soldados, asin an Israel arog sa mga bosog. An mga lalaki nin Sion gagamiton ko siring sa sarong espada, tanganing labanan an kalalakihan nin Grecia.”

2 Corinto 4:7

Alagad kaming mga tinawan kaining espiritwal na kayamanan garo mga dalipay na koron tanganing ipahiling na an pinakadakulang kapangyarihan hale sa Dios asin bakong samo.

2 Timoteo 2:20

Sa sarong dakulang harong igwa nin gabos na klaseng plato saka mangko. An iba gibo sa bulawan o plata, an iba gibo sa kahoy o laboy. An iba ginagamit para sa mga espesyal na okasyon, an iba para sa aroaldaw na gamit.