Mga Panambitan 4:18 - Marahay na Bareta Biblia

¹⁸ Binantayan kami kan mga kaiwal, kaya dai kami nakalakaw sa samong mga tinampo; bilang na an samong mga aldaw, huli ta uminabot na an samong kataposan.

Mga Panambitan 4:18 ပူးပေါင်းရင်းမြစ်များ

An Libro ni Job 10:16

Kun ilangkaw ko an sakong sadiri hahanapon mo ako siring sa leon; minagibo ka pa nin mga milagro tanganing kulogan ako.

Salmo 140:11

An paralibak dai logod mapamugtak sa daga; abotan logod nin karatan asin magadan an mga tulisan.

Jeremias 1:12

“Tama ka”, an sabi nin Kagurangnan “asin nagbabantay ako huli ta boot kong magkatotoo an sakong mga tataramon.”

Jeremias 16:16

Nagtataram an Kagurangnan, “Mapadara ako nin dakul na parasira tanganing dakopon an mga tawong ini. Dangan mapadara ako nin dakul na paraayam tanganing hanapon sinda sa lambang bukid asin bulod, saka sa mga lungib sa kagapoan.

Jeremias 37:13

Alagad kan mag-abot ako sa Trangkahan nin Benjamin, pinugol ako ni Irias, na aking lalaki ni Selemias saka makoapo ni Ananias; siya an pamayo kan mga bantay sa trangkahan na iyan. Nagsabi siya, “Nagdudulag ka tanganing mag-apil sa mga taga Babilonia!”

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Jeremias 51:33

Dai na mahahaloy aanihon na sinda kan kaiwal saka titimaktimakan arog kan mga inani sa lugar na pinaggiginikan. Ako, an Kagurangnan nin mga hukbo, an Dios nin Israel, an nagtaram.”

Mga Panambitan 3:52

“Nalitag ako arog sa sarong gamgam kan sakong mga kaiwal na naoongis sako na mayo nin dahelan.

Ezekiel 12:27

“Aki nin tawo, naghohona an mga Israelita na an saimong mga bisyon saka mga propesiya ipinapanongod mo sa harayo pang panahon.

Amos 8:2

Hinapot ako nin Kagurangnan, “Amos, ano an nahihiling mo?” Nagsimbag ako, “Sarong basket nin prutas.” Tinaraman ako nin Kagurangnan, “Nag-abot na an kataposan kan sakong banwaan na Israel. Dai ko na babagohon an sakong isip dapit sa pagpadusa sa sainda.

1 Samuel 24:14

Siisay an pinaghahanap kan hade nin Israel tanganing gadanon? Hilinga kun ano an saiyang pinaglalamag! Sarong gadan na ayam, sarong purgas!