Mga Panambitan 4:16 - Marahay na Bareta Biblia

¹⁶ Pinabayaan sinda nin Kagurangnan; iwinarak niya mismo sinda. Dai niya ginalangan an mga padi asin mga lider.

Mga Panambitan 4:16 ပူးပေါင်းရင်းမြစ်များ

Genesis 49:7

Sumpaon logod an saindang kaanggotan, huli ta grabe nin marahay, Asin an saindang labi-labing kaanggotan, huli ta sobra an kakurihan. Iwawarak ko sinda sa bilog na daga nin Israel, Sa kaibahan kan mga tawo na nag-eerok diyan.

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Salmo 106:27

na magkakawararak sa mga nasyon an saindang kapagarakian, asin magkakagaradan sa mga daga kan dayuhan.

Salmo 106:44

Alagad hiniling nin Kagurangnan an saindang kasakitan, asin dinangog an saindang inagrangay.

Isaias 24:2

Pareho an mangyayari sa gabos—sa mga padi asin sa banwaan, sa mga oripon saka sa mga kagurangnan, sa mga parabakal asin sa mga nagpapabakal, sa mga nagpapasubli saka sa mga parasubli, sa mga mayaman asin sa mga dukha.

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Jeremias 15:4

Gigibohon kong matakot sainda an gabos na tawo sa kinaban huli kan ginibo ni Manases, na aking lalaki ni Ezekias, sa Jerusalem kan siya iyo an hade nin Juda.”

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 52:24

Laen pa kaini, binihag ni Nebuzaradan na pamayong opisyal kan hukbo kan hade, si Seraias na halangkaw na padi, si Sofonias na ikaduwang padi, asin an tolong bantay sa Templo.

Mga Panambitan 2:20

Hilinga, Kagurangnan! Hilinga kun siisay an saimong pinapadusahan! Dapat daw na kakanon kan mga ina an mga aki na saindang namomotan? Dapat daw na an mga padi saka mga propeta sa Templo mismo gadanon?

Mga Panambitan 2:6

Rinaot niya an Templo, an lugar na pinagsasambahan mi saiya. Hinale niya an mga pyesta asin an Sabbath. Ipinamate niya sa hade asin sa padi an kosog kan saiyang kaanggotan.

Mga Panambitan 5:12

An samong mga lider binihag dangan binitay; dai ginalangan maski an kamagurangan.

Ezekiel 5:10

Mangyayari na an mga aki sa Jerusalem kakakanon kan saindang mga magurang, asin an mga magurang kakakanon kan saindang mga aki. Papadusahan taka asin an mga matadang buhay iwawarak ko sa gabos na direksyon.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Deuteronomio 32:26

Gabos kuta sinda sakong gagadanon tanganing sa sainda mayo nang makagiromdom.

Hebreyo 8:9

Bako iyan arog kan tipan na ginibo ko sa saindang mga ginikanan kan aldaw na kabiton ko sinda paluwas sa daga nin Egipto. Dai sinda nagin maimbod sa tipan na ginibo ko sainda, kaya pinabayaan ko sinda.