Mga Panambitan 4:14 - Marahay na Bareta Biblia

¹⁴ An saiyang mga lider nagkarapkarap sa mga tinampo siring sa mga buta, mga nadigtaan nin dugo, kaya mayong nangahas na magduta sainda.

Mga Panambitan 4:14 ပူးပေါင်းရင်းမြစ်များ

Isaias 1:15

Kun iniitaas mo an saimong mga kamot sa pagpamibi, dai taka hihilingon; maski dugangan mo an saimong pamibi, dai taka hihinanyogon; huli ta pano nin dugo an saimong mga kamot.

Isaias 56:10

Nagsasabi siya, “Buta an gabos na lider na iyo kutana an mapatanid sa sakong banwaan! Mayo sindang naaaraman. Arog sinda sa mga ayam na dai nagbabatok—mayo sindang ginigibo kundi maghigda saka mangatorogan. Boot sana nindang magkatorog.

Jeremias 2:34

An saimong mga gubing panong dugo kan dukha saka mayong sala, bakong dugo kan mga mahabon. “Alagad maski arog kaini an mga ginigibo mo,

Jeremias 26:8

Pakatapos kong magtaram kan gabos na ipinagboot sako nin Kagurangnan na itaram ko sa mga tawo, tolos akong pinugol ninda saka kinurahawan, “Dapat kang magadan!

Ezekiel 23:45

Alagad huhukoman sinda kan mga matanos dangan kokondenaron para sa kasalan nin pakikidorog sa bako nindang agom asin panggagadan.”

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Sofonias 1:17

An Kagurangnan nagtataram, “Dadarahon ko sa katawohan an siring na mga kasakitan tanganing an lambang saro maglakaw na garo buta. Nagkasala sinda sako, kaya an saindang dugo mabulos na garo tubig, asin an saindang mga bangkay magkakawararak sa daga.”

Mga Bilang 19:16

Sa luwas kan tolda, kun may magduta sa tawong ginadan o nagadan sa natural na paagi, o kun may magduta sa tolang nin sarong tawo o sa sarong lulubngan, magigin maati sa laog nin pitong aldaw.

Mga Bilang 35:33

Kun gibohon nindo iyan, didigtaan nindo an dagang pinag-eerokan nindo; huli ta an paggadan nakakadigta sa daga. Kaya pwera kan paggadan sa kriminal mayo na nin ibang paagi tanganing matubos an daga na nabulosan nin dugo kan biktima.

Mateo 15:14

Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”

Efeso 4:18

mayo sinda nin pakasabot. Mayo sindang kabtang sa buhay na itinao nin Dios, huli kan saindang kamangmangan saka katagasan nin puso.