Mga Panambitan 4:11 - Marahay na Bareta Biblia

¹¹ Pinaluwas nin Kagurangnan an bilog niyang kaanggotan; nagpagkot siya nin kalayo sa Sion na tuminutong sagkod kan mga pundasyon.

Mga Panambitan 4:11 ပူးပေါင်းရင်းမြစ်များ

Isaias 51:20

Sa lambang kanto kan tinampo an mga aki mo nagkakapurukan sa kaluyahan; garo sinda mga usa na nagkadarakop sa litag kan paraayam. Namatean ninda an kosog kan kaanggotan nin Dios.

Jeremias 13:14

Dangan pagtatarangkoon ko sinda na garo mga tapayan sagkod na maronot sinda gabos, gurang man o aki. Dai ako maheherak sainda maski kadikit.”

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 21:14

Alagad papadusahan taka sa ginibo mo. Susuloon ko an saimong palasyo, asin an gabos sa palibot kaiyan. Ako, an Kagurangnan, an nagtaram.”

Jeremias 36:7

Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Mga Panambitan 2:1

Sa kaanggotan nin Kagurangnan tinahoban niya an Sion nin kadikloman. Rinumpag niya an langitnon na kamurawayan nin Israel. Sa aldaw nin saiyang kaanggotan binayaan niya maski an saiyang Templo.

Mga Panambitan 2:17

Ginibo mananggad nin Kagurangnan an saiyang itinaram na gigibohon; mayo nin pagkaherak na rinaot niya kita, siring kan ipinatakot niya kaidto. Pinapanggana niya an satong mga kaiwal, pinaogma sa satong pagbagsak.

Mga Panambitan 2:3

Sa labi-labing kaanggotan, rinonot niya an kosog nin Israel; sa atubang kan kaiwal, dai niya kami tinabangan. An kaanggotan niya samo siring sa kalayo na minaraot kan gabos.

Mga Panambitan 2:4

Arog sa kaiwal, an saiyang mga bosog ihinimunta niya samo; ginadan niya an gabos na nakakapaogma samo. An saiyang labi-labing kaanggotan namatean nyamo digdi sa Jerusalem.

Mga Panambitan 2:8

Kabotan nin Kagurangnan na marumpag an mga kudal nin Sion; sinukol niya iyan tanganing maraot nanggad an gabos. An mga tore saka an mga kudal gabos rumpag na ngunyan.

Mga Panambitan 4:22

An Sion nagbayad na kan saiyang kasalan; hahaleon na kami nin Kagurangnan sa pagkatapokan. Alagad, O Edom, papadusahan ka nin Kagurangnan; ihahayag niya an saimong mga kasalan.

Ezekiel 22:31

Kaya iuula ko sainda an sakong kaanggotan, asin siring sa kalayo, susuloon ko sinda huli kan saindang mga ginibo.” An Kagurangnan Dios an nagtaram.

Ezekiel 36:18

Kaya inula ko sa sainda an labi-labi kong kaanggotan huli kan dakul na dugo na pinabulos ninda sa daga, asin huli kan mga dios-dios na nagin dahelan kan pagdigta ninda sa daga.

Ezekiel 6:12

An mga nasa harayo maghehelang dangan magagadan; an mga nasa harani magagadan sa gera; an matatada magagadan sa gutom. Mamamatean ninda an gabat kan sakuyang kaanggotan.

Daniel 9:12

Pinatotoohan mo an sinabi mong gigibohon sa samo asin sa samong mga pamayo. Orog mong pinadusahan an Jerusalem ki sa ibang syudad sa daga.

Levitico 26:28

sa sakong labi-labing kaanggotan, ako na an maatubang saindo asin papadusahan ko kamo nin pito pang beses kagabat ki sa mga naenot na padusa.

Sofonias 2:2

bago kamo maalang saka magadan siring sa sarong burak, bago mag-abot saindo an naglalaad na kaanggotan nin Kagurangnan, bago mag-abot saindo an aldaw nin pagpahiling niya kan saiyang kaanggotan.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Lukas 21:22

Huli ta iyo iyan an ‘Mga Aldaw nin Padusa,’ tanganing maotob an gabos na nasusurat.