Mga Panambitan 4:1 - Marahay na Bareta Biblia

¹ Nag-itom na nin marahay an dating nagkikinang na bulawan! An mga gapo kan Templo nagkawararak na sa mga tinampo.

Mga Panambitan 4:1 ပူးပေါင်းရင်းမြစ်များ

Isaias 1:21

Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 14:12

O Hade nin Babilonia, maliwanag na bitoon na makaaga, nahulog ka na hale sa langit! Sinakop mo kaidto an mga nasyon, alagad itinapok ka ngunyan sa daga.

Jeremias 52:13

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Mga Panambitan 2:19

Sa bilog na banggi magtindog ka asin mag-apod sa Kagurangnan; siring sa tubig, iula mo an saimong puso sa atubangan nin Kagurangnan! Makimaherak ka para sa saimong mga aki na nadidismayo sa gutom sa lambang kanto kan tinampo.

Ezekiel 22:18

“Aki nin tawo, an mga Israelita mayo na nin halaga para sako. Arog sinda sa ati nin metal—bronse, lata, lansang, asin timga—an ati na natatada pakatapos na linigan an plata sa horno.

Mikas 1:6

Kaya nagsasabi an Kagurangnan, “Raraoton ko an Samaria sagkod na magin sarong tambak iyan nin daga sa kaomahan, sarong lugar na pagtatanoman nin ubas. An mga gapo kan syudad iuula ko sa kapantayan, asin mahahayag an mga pundasyon kan syudad.

Mateo 24:2

Sinabihan sinda ni Jesus, “Nahihiling nindo an gabos na iyan? Sa katotoohan sinasabihan ko kamo, mayo diyan nin matatada ni sarong gapo sa ibabaw nin saro pang gapo; an gabos marurumpag.”

Markos 13:2

Nagsimbag si Jesus, “Nahihiling mo ining mga dakulang edipisyo? Mayo diyan nin matatada na sarong gapo na nakapatong sa saro man na gapo; gabos iyan marurumpag.”