Mga Panambitan 3:8 - Marahay na Bareta Biblia

⁸ Maski nag-aapod ako sa paghagad nin tabang, alagad habo niya akong dangogon;

Mga Panambitan 3:8 ပူးပေါင်းရင်းမြစ်များ

An Libro ni Job 19:7

Ikinukurahaw ko an saiyang ginibong kadahasan, alagad mayo nin nagdadangog; mayong naghihinanyog kan inagrangay ko para sa katanosan.

An Libro ni Job 30:20

“Nag-aagrangay ako saimo, O Dios, alagad dai mo ako sinisimbag; asin kun ako namimibi, dai mo ako hinihinanyog.

Salmo 22:2

Dios ko, kun aldaw ika sakong inaapod, alagad dai ka nagsisimbag; kun banggi ika man sakong inaapodan, alagad mayong nakukuang katoninongan.

Salmo 80:4

O Kagurangnan, Dios nin mga hukbo, sagkod nuarin ka maaanggot sa pamibi kan saimong banwaan?

Mga Panambitan 3:43

“Linamag mo kami asin ginadan; natago an saimong pagkaherak huli kan saimong kaanggotan,

Mga Panambitan 3:44

huli kan sarong mahibog na panganoron kaya dai nakakalagbas an samong mga pamibi.

Habakkuk 1:2

O Kagurangnan, sagkod nuarin ako maghahagad nin tabang bago mo dangogon, bago mo kami ililigtas sa kadahasan?

Mateo 27:46

Kan mag-aalas tres na, nagkurahaw si Jesus nin makosog, “Eli, Eli, lema sabactani?” na an boot sabihon, “Dios ko, Dios ko, tadaw ta pinabayaan mo ako?”

Lukas 11:10

Huli ta an lambang naghahagad, maako; an naghahanap, makakakua; asin an nagtutuktok, binubuksan.