Mga Panambitan 3:38 - Marahay na Bareta Biblia

³⁸ Nangyayari an marahay asin an maraot huli sana sa saiyang pagboot.

Mga Panambitan 3:38 ပူးပေါင်းရင်းမြစ်များ

2 Samuel 16:10

Sinabihan kan hade si Abisai asin an tugang niyang si Joab, “Dai kamo makilabot digdi. Kun maldisyonon niya ako huli ta sinabihan siya nin Kagurangnan, siisay an may deretsong maghapot kun tadaw ta ginigibo niya iyan?”

An Libro ni Job 2:10

Nagsimbag si Job, “Garo ka lolong na babae kun magtaram! Tama daw na an marahay sana an akoon ta sa kamot nin Dios asin dai kita mag-ako nin kasakitan?” Maski nangyari ining kasakitan ki Job, mayo siyang sinabi na tumang sa Dios.

Salmo 75:7

kundi sa Dios na iyo an hukom, an nagpapadusa sa saro asin nagpapatalingkas sa iba.

Mga Talinhaga 29:26

Dakul an nagmamawot na mawilihan sinda kan hade, alagad sa Kagurangnan sana pwede kang makakua nin hustisya.

Parahulit 7:14

Mag-ogma ka sa mga aldaw nin kauswagan, asin sa mga aldaw nin kasakitan, giromdoma na an Dios nagpapadara nin kaogmahan siring na nagpapadara siya nin kasakitan. Dai mo nanggad maaraman kun ano an sunod na maabot saimo.

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Jeremias 32:42

“Siring kan pagpadara ko kan dakulang kasakitan na ini sa banwaan na ini, papadarahan ko man sinda kan marahay na mga bagay na ipinanuga ko sainda.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?