Mga Panambitan 3:37 - Marahay na Bareta Biblia

³⁷ Mayo nin siisay man na nakapagboot asin nakagibo nin anoman kun bakong huli sa kabotan nin Kagurangnan.

Mga Panambitan 3:37 ပူးပေါင်းရင်းမြစ်များ

2 Samuel 16:10

Sinabihan kan hade si Abisai asin an tugang niyang si Joab, “Dai kamo makilabot digdi. Kun maldisyonon niya ako huli ta sinabihan siya nin Kagurangnan, siisay an may deretsong maghapot kun tadaw ta ginigibo niya iyan?”

1 Mga Hade 22:34

alagad sarong soldados an nagpana, asin dai tuyong tinamaan si Hadeng Ahab sa lugar na pinagsugponan kan saiyang gubing na panggera. Kaya nagkurahaw siya sa nagpapadalagan kan saiyang karwahe, “Umatras ka asin humale sa ralaban, huli ta nalugadan ako!”

2 Mga Hade 6:33

Dai pa haros natatapos an sinasabi ni Eliseo, nag-abot na an sugo saka nagsabi, “An kasakitan na ini dinara samo nin Kagurangnan! Tano ta mahalat pa ako sa Kagurangnan?”

An Libro ni Job 10:13

Alagad aram ko na sa bilog na panahon, hilom na nagpaplano ka tanganing pasakitan ako.

An Libro ni Job 2:10

Nagsimbag si Job, “Garo ka lolong na babae kun magtaram! Tama daw na an marahay sana an akoon ta sa kamot nin Dios asin dai kita mag-ako nin kasakitan?” Maski nangyari ining kasakitan ki Job, mayo siyang sinabi na tumang sa Dios.

Exodo 10:10

Nagsabi an hade, “Minasumpa ako sa ngaran nin Kagurangnan na dai ko nanggad tutugotan na umiba an mga babae asin mga aki! Maliwanag na nag-iisip kamong magrebelde laban sako.

Mga Talinhaga 16:9

Minaplano an tawo, alagad an Kagurangnan iyo an minagiya kan saiyang mga lakad.

Mga Talinhaga 19:21

Kadakul kan mga plano nin sarong tawo, alagad an kabotan nin Kagurangnan an magdadanay.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 46:10

Poon sa kapinonan ipinahayag ko an kataposan; haloy nang panahon na naghula ako kan mangyayari. Nasambit kong mangyayari an sakong mga plano asin ootobon ko an gabos kong katuyohan.

Jeremias 23:32

Hinanyoga nindo an sinasabi ko! Laban ako sa mga propeta na nagtataram kan saindang mga pangatorogan na pano nin mga kaputikan. Ipinapangosip ninda an mga pangatorogan na ini saka linalagalag ninda an sakong banwaan huli kan saindang mga kaputikan asin kahambogan. Dai ko sinda sinugo ni pinagbotan na maglakaw. Mayo lamang sinda nin ikakatabang sa banwaan. Ako, an Kagurangnan, an nagtaram.”

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Roma 9:15

Huli ta nagsabi siya ki Moises, “Maheherak ako sa kiisay man na boot kong maherakan; magmamakulog ako sa kiisay man na boot kong pagmakulogan.”

Efeso 1:11

An gabos na bagay nahahaman sosog sa plano asin kabotan nin Dios; huli ki Cristo, pinili niya kami na magin sadiri niyang banwaan dahel sa sadiri niyang katuyohan, na dati niya nang inisip poon pa sa kapinonan.