Mga Panambitan 3:31 - Marahay na Bareta Biblia

³¹ An Kagurangnan maheherakon asin dai nagsisikwal sagkod lamang.

Mga Panambitan 3:31 ပူးပေါင်းရင်းမြစ်များ

2 Samuel 14:14

Gabos kita magagadan; arog kita sa tubig na naula sa daga, na dai na pwedeng tiponon giraray. Maski an Dios dai na minabuhay kan nagadan, alagad pwedeng maghanap an hade nin paagi tanganing ikabalik an sarong mayo sa saiyang kaibahan.

1 Mga Hade 11:39

Huli kan kasalan ni Solomon, papadusahan ko an mga kapagarakian ni David, alagad bakong sagkod lamang!’”

Salmo 77:7

“Isisikwal daw kita nin Kagurangnan sagkod pa man? Dai na daw niya kita mawiwilihan?

Salmo 94:14

Dai pababayaan nin Kagurangnan an saiyang banwaan; an sadiri niyang pamana dai niya tatalikodan.

Isaias 27:8

Pinadusahan nin Kagurangnan an saiyang banwaan sa paagi nin pagtapok sainda. Hinale niya sinda sa paagi nin makuring doros na hale sa sirangan.

Isaias 57:16

Ako an nagtao nin buhay sa sakong banwaan; dai ko ipapadagos an pag-akusar sainda asin dai man ako maaanggot sainda sagkod lamang.

Jeremias 31:37

Kun masukol na an kalangitan saka masiyasat an pundasyon kan daga, dangan pa sana niya isisikwal an banwaan nin Israel, huli kan gabos nindang ginibo. An Kagurangnan an nagtaram.

Jeremias 32:40

Magibo ako sainda nin sarong tipan na mayo nin kataposan. Dai ako maontok sa paggibo nin mga marahay na bagay para sa sainda. Gigibohon ko na matakot sinda sako sa bilog nindang puso tanganing dai na ninda ako pagtalikodan.

Jeremias 33:24

“Dai mo namamasdan na nagsasabi an mga tawo na isinikwal ko an Israel saka Juda, an duwang pamilya na pinili ko? Kaya pinag-oolog-olog ninda an sakong banwaan asin dai na ninda ini ibinilang na sarong nasyon.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Nahum 1:12

Ini an sinasabi nin Kagurangnan sa saiyang banwaan na Israel: “Maski makokosog saka dakul an mga taga Asiria, magagadan sinda asin mawawara. Banwaan ko, pinatios taka, alagad dai ko na iyan gigibohon giraray.

1 Samuel 12:22

Nagsumpa an Kagurangnan na dai niya kamo papabayaan, huli ta pinagmarahay niya na kamo an saiyang magin banwaan.