Mga Panambitan 3:26 - Marahay na Bareta Biblia

²⁶ Kaya marahay para sa sato an maghalat na may pakatios— an maghalat sa saiya tanganing iligtas kita—

Mga Panambitan 3:26 ပူးပေါင်းရင်းမြစ်များ

Genesis 49:18

“O Kagurangnan, halat ko an saimong kaligtasan.

2 Mga Cronica 20:17

Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

Salmo 119:166

Linalaom ko an saimong kaligtasan, Kagurangnan, asin ginigibo ko an saimong mga katogonan.

Salmo 119:174

Minamawot ko an saimong kaligtasan, Kagurangnan, asin an saimong katogonan iyo an sakong kaogmahan.

Salmo 130:5

An kalag ko naghahalat kan tabang nin Kagurangnan; an saiyang tataramon iyo an sakong linalaoman.

Salmo 37:34

Maglaom sa Kagurangnan, asin kuyoga an saiyang kabotan; ilalangkaw ka niya huli sa pagtao saimo kan daga, asin mahihiling mo an pagkaronot kan tampalasan.

Salmo 37:7

Magtoninong ka asin maghalat sa Kagurangnan; dai ka mapurisaw kan mga maginhawa an buhay, sa mga tawong nangyayari an mawot na karatan.

Salmo 52:9

Sagkod pa man magpapasalamat ako saimo, huli ta ini saimong ginibo. Sa atubang kan saimong banwaan, irurukyaw ko na ika marahay.

Salmo 54:6

Sa maogmang boot maatang ako saimo, Kagurangnan; magpapasalamat ako saimo huli ta ika marahay.

Salmo 62:2

Siya sana an sakong gapo asin kaligtasan; siya an sakong bantayan, dai nanggad ako mahihiro.

Salmo 73:28

Alagad para sako, mas marahay an magin harani sa Dios; an Kagurangnan Dios an ginibo kong pailihan, tanganing sakong irukyaw an gabos niyang ginibohan!

Salmo 92:1

Marahay an pagpasalamat saimo, Kagurangnan, an pag-awit nin mga pag-omaw sa saimong ngaran, O Kahorohalangkaweng Dios,

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Exodo 14:14

An Kagurangnan an makikipaglaban para sa saindo. Mayo kamong gigibohon maski ano man.”

Isaias 30:15

Ini an tataramon kan Kagurangnan Dios, an banal na Dios nin Israel, “Sa pagbalik saka sa pagpahingalo makakaligtas kamo; sa dai paggirong asin sa pagsarig magkakaigwa kamo nin kosog.” Alagad habo nindong gibohon ini!

Isaias 30:7

An tabang na itinatao nin Egipto mayo nin kamugtakan. Kaya nginaranan ko an Egipto nin ‘An Dragon na Dai Naghihiro sa Pakatukaw.’”

Isaias 7:4

Sabihan mo siyang magin andam, na dai mahandal o matakot o manluya an boot, huli ta an kaanggotan ni Hadeng Rezin kaiba an mga Siro asin ni Hadeng Peka garo sana duwang nag-aasong pungo.

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Mga Panambitan 3:27

asin marahay an makanood kaining pakatios mantang hoben pa kita.

Habakkuk 2:3

Isurat mo iyan, huli ta dai pa napapanahon tanganing maotob iyan. Alagad madali nang mag-abot an panahon, asin magkakatotoo an ipapahiling ko saimo. Pwedeng mahaloy nin kadikit an pag-abot kaiyan, alagad halaton mo; mangyayari iyan, asin dai iyan mapupugolan.

Galacia 4:18

Marahay an pagkaigwa nin pagmakulog, kun marahay man an katuyohan; danay na totoo ini, bako sanang kun kaiba nindo ako.

Hebreyo 10:35

Kaya dai kamo mawaraan nin kosog nin boot huli ta may katimbang ining dakulang balos.

Hebreyo 3:14

Huli ta kita magigin kahiras ni Cristo, kun papagdanayon tang pusog sagkod sa kataposan an pagsarig na dating yaon sato.

1 Pedro 1:13

Kaya andamon nindo nin marahay an saindong mga isip; magmaan kamo; ibugtak nindo an saindong bilog na paglaom sa biyaya na itatao saindo kun ihayag na si Jesu-Cristo.