Mga Panambitan 3:25 - Marahay na Bareta Biblia

²⁵ An Kagurangnan marahay sa nagsasarig asin naghahanap saiya.

Mga Panambitan 3:25 ပူးပေါင်းရင်းမြစ်များ

Genesis 49:18

“O Kagurangnan, halat ko an saimong kaligtasan.

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 19:3

Alagad maski siring, igwa man nin nakuang karahayan saimo, huli ta hinarale mo an mga simbolo ni Asera asin hiningowa mong magsunod sa kabotan nin Dios.”

2 Mga Cronica 30:19

“O Kagurangnan, Dios nin samuyang mga ginikanan, sa saimong pagkamarahayon patawada an mga nagsasamba saimo nin tudok sa puso, maski dai sinda nakapag-otob kan mga pagsusundon manongod sa paglinig.”

2 Mga Cronica 31:21

Nagin mauswag siya huli ta an gabos na ginibo niya para sa Templo o sa pag-otob kan Katogonan, ginibo niya sa bilog niyang puso.

Esdras 8:22

Nasopog ako na maghagad sa emperador nin sarong tropa nin nakakabayong mga soldados tanganing bantayan kami sa mga kaiwal mantang kami nagbabaklay, huli ta sinabihan ko an emperador na binabantayan nin samuyang Dios an gabos na nagsasarig saiya, asin an bagsik kan saiyang kaanggotan pinapahugpa niya sa gabos na minatalikod saiya.

Salmo 105:3

Magmuraway kita sa banal niyang ngaran; mag-ogma an mga pusong naghahanap sa Kagurangnan.

Salmo 119:2

Paladan an mga tawong nag-ootob kan saiyang mga kabotan, na nagkukuyog sa saiya sa bilog nindang puso.

Salmo 22:26

Makakan an mga dukha dangan magkakabarasog. Mag-oomaw sa Kagurangnan an mga naghahanap saiya. Mabuhay logod sinda sagkod lamang!

Salmo 25:8

Marahay saka matanos an Kagurangnan; kaya an mga lagalag tinutukdoan niya kan dalan na dapat lakawan.

Salmo 27:14

Magsarig sa Kagurangnan. Magmaisog, pakosogon an puso. Magsarig sa Kagurangnan!

Salmo 27:8

Kan ika magtaram, “Madya, sambahon mo ako.” Nagsimbag an puso ko, “Kagurangnan, madolok ako.”

Salmo 37:34

Maglaom sa Kagurangnan, asin kuyoga an saiyang kabotan; ilalangkaw ka niya huli sa pagtao saimo kan daga, asin mahihiling mo an pagkaronot kan tampalasan.

Salmo 37:7

Magtoninong ka asin maghalat sa Kagurangnan; dai ka mapurisaw kan mga maginhawa an buhay, sa mga tawong nangyayari an mawot na karatan.

Salmo 39:7

Kagurangnan, ano an sakuyang hahalaton? Ika nanggad sana an sakong paglaom.

Salmo 61:1

O Dios, an sakong inagrangay dangoga, an sakong pamibi himatea.

Salmo 61:5

O Dios, an sakuyang mga panuga nadangog mo; itinao mo sako an pamana kan mga may pagkatakot saimo.

Salmo 69:32

Maoogma an mga naaapi kun mahiling ini; mabubuhay an mga puso kan naghahanap sa Dios.

Salmo 71:14

Alagad padagos akong maglalaom saimo, ika orog na oomawon ko.

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 26:9

Sa bilog kong puso, hinihidaw taka pagkabanggi; sa saimong paghukom sa daga asin sa mga tawo diyan, an hustisya saindang manonodan.

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Isaias 55:6

Hanapa nindo an Kagurangnan mantang makukua siya, pag-apod kamo saiya mantang harani siya.

Isaias 64:4

Mayo pa nin siisay man na nakahiling o nakadangog dapit sa sarong Dios na arog saimo, na naggigibo nin siring na mga bagay para sa mga tawong minabugtak kan saindang paglaom saiya.

Mga Panambitan 3:26

Kaya marahay para sa sato an maghalat na may pakatios— an maghalat sa saiya tanganing iligtas kita—

Oseas 10:12

Nagsabi ako, ‘Aradohon nindo asin tanoman nin katanosan an dai pa natatanoman na daga, dangan anihon an mga biyaya na magigin bunga kan saindong pagigin maimbod sako. Panahon na tanganing magbalik kamo sako, an saindong Kagurangnan, asin madatong ako dangan mawaras nin mga biyaya sa saindo.’

Sofonias 3:8

Nagtataram an Kagurangnan, “Halaton nindo ako.” Halaton nindo an aldaw nin pagtindog ko tanganing iakusar an mga nasyon. Huli ta nagdesisyon na akong tiponon an mga nasyon asin mga kahadean tanganing ipamate sainda an init kan sakuyang kaanggotan. An bilog na daga tutunawon kan kalayo nin labi-labi kong kaanggotan.

1 Tesalonica 1:10

asin kun paano nindo hinahalat an pagbalik kan saiyang Aki hale sa langit—si Jesus na binuhay niya liwat, na iyo an maligtas sato sa maabot na makuring kaanggotan nin Dios.

Santiago 5:7

Kaya, mga tugang, maging matinios kamo sagkod na mag-abot an Kagurangnan. Hilinga nindo an paratanom na matinios na naghahalat kan mahalagang bunga kan daga; matinios na naghahalat kan enot asin huring uran!