Mga Panambitan 3:24 - Marahay na Bareta Biblia

²⁴ Minasabi an kalag ko, “An Kagurangnan iyo an sakong kahirasan, kaya sa saiya ako minalaom.”

Mga Panambitan 3:24 ပူးပေါင်းရင်းမြစ်များ

1 Mga Cronica 5:20

Ibinugtak ninda an saindang paglaom sa Dios asin naghagad saiya nin tabang. Dinangog nin Dios an saindang pamibi asin pinapanggana sinda laban sa mga Agareno sagkod sa mga kaapil kaini.

An Libro ni Job 13:15

Ano kun gadanon ako nin Dios; mayo na ako nin paglaom. Alagad isasaysay ko saiya an sakong kaso.

An Libro ni Job 22:25

An Makakamhan na Dios iyo logod an magin bulawan mo saka mahalaga mong plata.

Salmo 119:57

Ika an sakong kahirasan, Kagurangnan; nanunuga akong kukuyogon ko an gabos mong katogonan.

Salmo 130:7

O Israel, maglaom ka sa Kagurangnan! Huli ta nasa saiya an danay na pagkamoot, asin an kapanoan nin kaligtasan.

Salmo 142:5

Minaagrangay ako saimo, Kagurangnan; ika, Kagurangnan, an sakong pailihan, sakong kahirasan sa daga nin mga buhay.

Salmo 16:5

An Kagurangnan iyo an sakong kalis asin piniling kahirasan; an sakong buhay saiyang nakakaptan.

Salmo 31:24

Pagmakosog kamo; pasariga an saindong boot, kamo gabos na naglalaom sa Kagurangnan.

Salmo 33:18

Binabantayan nin Kagurangnan an mga natatakot saiya, an mga naglalaom sa danay niyang pagkamoot.

Salmo 42:11

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 42:5

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 43:5

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 62:8

Sa gabos na panahon, magsarig kamo sa Dios, O sakong banwaan. Isabi nindo saiya an gabos nindong kasakitan, huli ta siya an satong pailihan.

Salmo 71:14

Alagad padagos akong maglalaom saimo, ika orog na oomawon ko.

Salmo 73:26

Pwedeng panluyahon an sakong isip asin hawak, alagad an Dios iyo an sakong kosog; siya sana an kaipuhan ko sagkod lamang.

Salmo 84:12

Kagurangnan, Dios nin mga hukbo, paladan an tawo na minasarig saimo!

Salmo 94:19

Kan ako nahahandal asin nahahadit, rinaranga asin pinapaogma mo ako.

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 51:19

An Dios ni Jacob bakong arog sainda; huli ta siya an naglalang kan gabos saka pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Mga Panambitan 3:21

Alagad minabalik an paglaom kun naroromdoman ko an bagay na ini:

Mikas 7:7

Alagad maghahalat ako sa Kagurangnan; padagos akong maglalaom sa Dios na maligtas sako. Dadangogon ako kan sakong Dios.

Roma 15:12

Si Isaias nagsabi man, “Maabot an sarong gikan ki Jesse sa pagsakop kan mga pagano; siya an paglalaoman ninda.”

Deuteronomio 18:2

Mayo sindang masasadirihan na daga, bakong arog sa ibang mga tribu; an kahirasan ninda iyo an Kagurangnan, siring sa saiyang panuga sainda.

1 Pedro 1:21

Huli saiya nagtutubod kamo sa Dios, na iyo an nagbuhay liwat saiya asin nagtao saiya nin kamurawayan, tanganing magtubod kamo saka maglaom sa Dios.

1 Samuel 30:6

Dakula an kahaditan ni David huli ta pinag-iisipan siyang gapoon kan saiyang mga tawohan huli kan pagkabihag kan saindang mga aki. Alagad pinakosog ni David an saiyang sadiri sa Kagurangnan na saiyang Dios.