Mga Panambitan 3:22 - Marahay na Bareta Biblia

²² Mayo nin kataposan an pagkamoot asin an pagkaherak nin Kagurangnan,

Mga Panambitan 3:22 ပူးပေါင်းရင်းမြစ်များ

2 Samuel 24:14

Nagsimbag si David ki Gad, “Masakit an kamugtakan ko! Alagad habo kong an tawo an magpadusa sako. An Kagurangnan iyo an magpadusa sako, huli ta dakula an saiyang pagkaherak.”

Nehemias 9:31

Alagad sa dakula mong pagkaherak, dai mo sinda tinunaw o pinabayaan; huli ta ika sarong maugayon asin maheherakon na Dios!

Salmo 103:10

Dai niya kita pinapadusahan sosog sa satong mga kasalan, dai niya kita binabalosan sosog sa satong mga karatan.

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Salmo 69:17

Hare pagtagoa sa saimong sorogoon an lalawogon mo; huli ta ako nahohorasa, tolos simbaga ako.

Salmo 77:8

Napara na daw sagkod pa man an danay niyang pagkamoot? Natapos na daw an saiyang mga panuga?

Salmo 78:38

Alagad maheherakon an Dios sa saiyang banwaan. Pinatawad niya an saindang kasalan asin dai niya sinda ginadan. Dakul na beses niyang pinugolan an saiyang kaanggotan, asin dai niya pinukaw an saiyang labi-labing kaanggotan.

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Jeremias 3:12

Tinaraman niya ako na magduman sa Israel saka magsabi, “Bakong maimbod na Israel, magbalik ka sako. Dai taka aanggotan huli ta maheherakon ako. Dai ako maaanggot saimo sagkod pa man.

Jeremias 30:11

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo! Ako, an Kagurangnan, an nagtaram.”

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Daniel 9:9

Nasa Kagurangnan an pagkaherak asin pagpatawad huli ta nagtumang kami saiya.

Malakias 3:6

“Ako an Kagurangnan, asin dai ako nagliliwat. Kaya kamo, an mga kapagarakian ni Jacob, dai pa napupuho.

Lukas 1:50

An saiyang pagkaherak yaon sa may pagkatakot saiya, sa gabos na henerasyon.