Mga Panambitan 3:11 - Marahay na Bareta Biblia

¹¹ Isinuhay niya ako sa sakong dalan, rinonot dangan binayaan;

Mga Panambitan 3:11 ပူးပေါင်းရင်းမြစ်များ

An Libro ni Job 16:7

Pinagal mo nanggad ako, O Dios; itinugot mong magadan an sakong pamilya.

Salmo 143:4

Kaya pinanluluya an sakong espiritu, asin natatakot an puso ko.

Salmo 50:22

“Tandaan mo ini, ika na nalingaw sako, ta tibaad gadanon taka, asin mayo nin siisay man na maligtas saimo.

Isaias 3:26

Magtatangis asin magmomondo an mga trangkahan nin Jerusalem dangan siring sa sarong babae, huba na matukaw siya sa daga.

Jeremias 15:3

Ako, an Kagurangnan, an mapadara sainda nin apat na makangingirhat na bagay: magagadan sinda sa gera; guguyodon kan mga ayam an saindang mga bangkay; kakakanon sinda kan mga gamgam; asin sisimoton kan mga lalaw na hayop an matatada sa saindang mga bangkay.

Jeremias 19:8

Dadarahon ko sa lugar na ini an sarong makangingirhat na pagkagaba, kaya an siisay man na mag-agi digdi mamomongnan saka magngangalas.

Jeremias 32:43

Sinasabi kan mga tawo na an dagang ini makakaarog sa sarong desyerto na mayo nin tawo o hayop na nag-eerok, asin itatao ini sa mga taga Babilonia. Alagad an mga oma babakalon giraray sa dagang ini.

Jeremias 5:6

Kaya gagadanon sinda kan mga leon na hale sa kadlagan; roronoton sinda kan mga lobo na hale sa desyerto, saka maglilibot sa mga banwa ninda an mga leopardo. Kun magluwas an mga tawong idto, roronoton sinda, huli ta kadakul na kan saindang kasalan asin kadakul nang beses na tinalikodan ninda an Dios.

Jeremias 6:8

Mga taga Jerusalem, magin patanid logod saindo an mga kasakitan na ini. Huli ta kun dai kamo maghinanyog, papabayaan ko kamo. Gigibohon kong sarong desyerto an saindong syudad, sarong lugar na mayo nin nag-eerok.”

Mga Panambitan 1:13

“Hale sa itaas nagpadara siya nin kalayo, na nag-irarom sagkod sa mga tolang ko. Nagbugtak siya nin siod para sa sakong mga bitis, dangan binayaan niya ako; binayaan na namumungnan, nakukulogan sa bilog na aldaw.

Mga Panambitan 3:10

Hinipaan niya ako siring sa sarong oso, siring sa sarong leon na nagtatago.

Daniel 7:23

Iyo ini an paliwanag na itinao sako: “An ikaapat na hayop iyo an ikaapat na imperyo sa daga na napapalaen sa ibang imperyo. Roronoton kaini an bilog na daga asin titimaktimakan.

Oseas 6:1

Nagsasabi an mga tawo, “Magbaralik na kita sa Kagurangnan! Kinukulogan niya kita, alagad papaomayan niya kita; linugad niya kita, alagad bubugkoson niya an satong mga lugad.

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mateo 23:38

Hilinga ta pinapabayaan na an saimong harong asin mayo nang tawo.

Kapahayagan 18:19

Nagbugtak sinda nin alpog sa payo, nagtangis saka nagmondo patin nagsabi, “Makangingirhat! Makatatakot an nangyari sa dakulang syudad na iyan, saen nagyaman an gabos na mga may barkong naglalayag sa dagat huli kan saiyang kayamanan! Sa laog nin saro sanang oras nawara saiya an gabos!”