Mga Panambitan 2:22 - Marahay na Bareta Biblia

²² Inalok mo an mga kaiwal ko na magselebrar nin sarong pyesta nin takot sa palibot ko. Sa aldaw nin saimong kaanggotan, mayo nin nakadulag o natadang buhay. Ginadan ninda an sakong mga aki, na sakong pinadakula asin namotan.

Mga Panambitan 2:22 ပူးပေါင်းရင်းမြစ်များ

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Salmo 31:13

Nadangog ko an hinghing kan kadaklan; nin takot ako napapalibotan. Boronyog na nag-iisip sinda tumang sako, nagpaplano nin paggadan sako.

Isaias 28:19

Titioson nindo iyan aldaw-banggi. An lambang bagong mensaheng hale sa Dios magdadara saindo nin bagong kahandalan!

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 14:19

Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 20:3

Pagkaaga, kan halean na ako ni Pasur kan kadena, sinabihan ko siya, “Bakong Pasur an inginaran saimo kan Kagurangnan, kundi ‘Takot sa Gabos na Lugar.’

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 44:7

“Kaya ako, an Kagurangnan nin mga hukbo, an Dios nin Israel, minahapot ngunyan saindo kun tadaw ta ginigibo nindo an siring na karatan sa saindong mga sadiri. Boot nindong darahan nin kapahamakan an mga lalaki saka an mga babae, an mga aki saka an mga omboy, tanganing mayo nin matada sa saindong banwaan?

Jeremias 46:5

“Alagad ano ining nahihiling ko?” an hapot nin Kagurangnan. “Takot nin marahay na nag-aaratras sinda. Nadaog an saindang mga soldados asin marikas sindang nagdurulag; dai na sinda nagsalingoy, huli ta an katakotan maski saen.

Jeremias 6:25

Dai na kami nangangahas na magduman sa kaomahan ni maglakaw sa mga tinampo, huli ta armado an samong mga kaiwal asin an katakotan nakapalibot samo.”

Deuteronomio 28:18

“‘Mamaldisyonon nin Kagurangnan an saindong mga aki, mga ani sagkod mga hayop.